ឡាមូៈ បើតាមការបញ្ជាក់ពីក្រុមអាល់កៃដា បានឲ្យដឹងថា យ៉ាងហោចណាស់មានមនុស្សចំនួន៧នាក់បានស្លាប់ នៅក្នុងការវាយប្រហារលើរថយន្តក្រុង នៅប្រទេសកេនយ៉ា ។ នេះបើតាមវេបសាយបរទេសចិនឆាយណាដេលី ផ្សាយនៅថ្ងៃសៅរ៍ទី១៩ ខែកក្កដា ឆ្នាំ២០១៤នេះ។ បើតាមក្រុមអាល់សាបាប បាននិយាយឲ្យដឹងថា មនុស្សចំនួន១០០នាក់ត្រូវបានស្លាប់ នៅប្រទេសកេនយ៉ា តាំងពីពាក់កណ្តាលខែមិថុនាមក បូករួមទាំងការស្លាប់ចំនួន៧នាក់ ចុងក្រោយនេះបន្ថែមទៀតក្នុងការវាយប្រហារលើរថយន្តក្រុង។ តាមសេចក្តីប្រកាសព័ត៌មាននៅថ្ងៃសៅរ៍នេះបានឲ្យដឹងថា ក្រុមដែលមានមូលដ្ឋាននៅសូម៉ាលី បានវាយប្រហារលើរថយន្តក្រុង ជិតក្រុងវិទូ តំបន់ឡាមូ។
លោក Abdulaziz Abu Musab អ្នកនាំពាក្យក្រុមមួននេះ បានប្រាប់ទីភ្នាក់ងារ AFP ថា ពួកគេនឹងវាយប្រហារតាមដែលអាចធ្វើបាននៅទូទាំងប្រទេសកេនយ៉ា។ លោក Daniel Kahosho, ប្រធានការិយាល័យប៉ូលិសកេនយ៉ា បម្រើការនៅ Mpeketoni, បានប្រាប់ Reuters ថា ពិតជាមានការវាយប្រហារនៅតំបន់នោះ បណ្តាលឲ្យស្លាប់មនុស្សមែន ដោយក្រុមសកម្មប្រយុទ្ធបានវាយប្រហារលើរថយន្តក្រុងនៅឡាមូ។ យើងមិនបានដឹងច្បាស់ពីចំនួនអ្នកធ្វើដំណើរសរុបប៉ុន្មាននោះទេ។ ក្រុមអាល់សាបាប នៃក្រុមអាល់កៃដា បាននិយាយឲ្យដឹងថា មនុស្សចំនួន១០០នាក់ត្រូវបានស្លាប់ នៅប្រទេសកេនយ៉ា បើបូកសរុបតាំងពីពាក់កណ្តាលខែ មិថុនាមក៕
