(កំពង់ធំ)៖ ទំនាស់ពាក្យសំដីគ្នាក្នុងវង់ផឹកស៊ី រវាងឪពុកចុង និងកូនចុង បណ្ដាលឲ្យកូនចុងខឹងលេីធុងបាស់មកអុកចំពីលេីក្បាលឪពុកចុងបណ្ដាលអោយស្លាប់។ដឹងកើតហេតុ:នៅថ្ងៃទី០២ ខែមេសា ឆ្នាំ២០២០ វេលាម៉ោង ១៨ និង ១០នាទី នៅភូមិប្រាសាទអណ្តែត ឃុំសណ្តាន់ស្រុកសណ្តាន់ ខេត្តកំពង់ធំ។
បង្ករឡើងដោយជនសង្ស័យម្នាក់ឈ្មោះ ទួន ភៀច ភេទប្រុស អាយុ ២៤ឆ្នាំ ជនជាតិខ្មែរ (ត្រូវជាកូនចុងរបស់ជនរងគ្រោះ) រស់នៅភូមិ/ឃុំកេីតហេតុ ក្រោយប្រព្រឹត្តជនសង្ស័យ ត្រូវបានកម្លាំងសមត្ថកិច្ចនគរបាលស្រុកសណ្ដាន់ចាប់ឃាត់ខ្លូន។ រីឯសពជនរងគ្រោះមានឈ្មោះ ប្រាក់ ធិន ភេទប្រុស អាយុ ៥៥ឆ្នាំ ជនជាតិខ្មែរ (ត្រូវជាឪពុកចុងរបស់ជនសង្ស័យ)។
មូលហេតុ: ផឹកសុីស្រវឹងទំនាស់ពាក្យសំដី រវាងឪពុកនិងកូនចុង(ជាជនសង្ស័យ) ជនសង្ស័យបានលេីធុងបាស់មកអុកចំពីលេីក្បាល បន្ទាប់ មកជនរងគ្រោះត្រូវបានបង ប្អូនសាច់ញាត្តិបញ្ជូនមកព្យាបាលនៅមន្ទីពេទ្យបង្អែកស្រុកសណ្តាន់ លុះដល់ម៉ោង១៩ និង ៣០នាទី បានស្លាប់នៅក្នុងមន្ទីរពេទ្យករណីនេះជនសង្ស័យត្រូវបានកម្លាំងសមត្ថកិច្ចជំនាញកំពង់កសាងសំនុំរឿងតាមនិតិវិធី៕
ដោយ ប៊ុន រដ្ឋា
