សៀមរាប ៖ វត្ថុតាងទាំងអស់នេះត្រូវបានកម្លាំងកងរាជអាវុធហត្ថមូលដ្ឋានស្រុកក្រឡាញ់និងស្នាក់ការសន្តិសុខ៦១០ខេត្តសៀមរាបបានស្ទាក់ចាប់បានកាលពីថ្ងៃទី២០ខែកក្តដាឆ្នាំ២០១៤រួចយកមកកាន់ទីបញ្ជាការដ្ឋានកងរាជអាវុធហត្ថខេត្តសៀមរាបដើម្បីធ្វើការសួនាំបន្ត ។លោកវរសេនីយ៌ឯក ស្រី យូរ៉ា មេបញ្ជាការរងនៃទីបញ្ជាការដ្ឋានកងរាជអាវុធហត្ថខេត្តសៀមរាបនិងជាប្រធានមន្ទីរស្រាវជ្រាវនិងយុត្តិធម៌បានឲ្យដឹងថាដោយអនុវត្តតាមការយកចិត្តទុកដាក់ខ្ពស់ជាប្រចាំពីសំណាក់ឯ.ឩ ឃឹម ប៊ុនសុង អភិបាលខេត្តសៀមរាបនិងជាប្រធានគណ:បញ្ជាការឯកភាពខេត្តក៏ដូចជា ឯ.ឩ ឩត្តមសេនីយ៍ត្រី ម៉ន សាម៉ុន មេបញ្ជាការកងរាជអាវុធហត្ថខេត្តសៀមរាបផងនោះ។ 
ក្នុងកិច្ចចុះប្រតិបត្តិការណ៍ធ្វើការបង្កា ទប់ស្កាត់និង បង្ក្រាប បទល្មើសការដឹកជញ្ជូនឈើក្រញូងខុសច្បាប់ខាងលើសមត្ថកិច្ចបានធ្វើការឃាត់ខ្លួនអ្នកបើកឡានកាមារីសេរីឆ្នាំ៩១ មួយគ្រឿងនេះនិងឈើក្រញូងចំនួន៣០ដុំ ស្មើរនិង៣៨០គីឡូ ស្មើរនិង០, ៣១៨ម៉ែតកូប និង ឡានកាមារីសេរីឆ្នាំ៩១ មួយគ្រឿងទៀតដែលរត់ការសុំដឹកឈើដោយអ្នកបើកឡាន រត់គេចខ្លួនបាត់ ។
លោកវរសេនីយ៌ឯក ស្រី យូរ៉ា បានបន្តឲ្យដឹងទៀតថាបច្ចុប្បន្នទាំងវត្ថុតាងនិងជនសង្ស័យត្រូវបានកម្លាំងកងរាជអាវុធហត្ថខេត្តសៀមរាបកពុងចំណាត់ការទៅតាមផ្លូវច្បាប់ជាបន្តកាលពីថ្ងៃទី២១ខែកក្តដានេះ ៕ ដោយ លោក ខេង ខេមរា
