(កំពង់ធំ)៖ គ្រោះថ្នាក់ចរាចរណ៍ថ្ងៃអង្គារ៍ ៧កើត ខែពិសាខ ឆ្នាំជូត ទោស័ក ព.ស២៥៦៣ ត្រូវនឹងថ្ងៃទី២៨ ខែមេសា ឆ្នាំ២០២០ វេលាម៉ោង ០៧ និង ៣០នាទី នៅលើកំណាត់ផ្លូវជាតិលេខ៦២ ចន្លោះគីឡូម៉ែត្រលេខ ៩-១០ ភូមិកូនត្នោត ឃុំជ័យ ស្រុកកំពង់ស្វាយ ខេត្តកំពង់ធំ មានករណីគ្រោះថ្នាក់ចរាចរណ៍ រថយន្ដ បុករថយន្តសណ្តោងសុឺមីរុឺម៉ក បើកបរបត់ឆ្វេង ទិសដៅស្របគ្នា បណ្ដាលឲ្យរបួសស្រាល០៣នាក់ (ប្រុស) ខូចខាតរថយន្ដ០២គ្រឿង៖
រថយន្ដម៉ាកហុិនដាយ ពណ៌ស ផ្លាកលេខកំពង់ចាម3A.3248 (របស់ក្រុមហ៊ុនដឹកជញ្ជូន ឡោ.ម៉េងហួតL.M.H) សណ្តោងសុឺមីរុឺម៉ក ផ្លាកលេខគ្មាន ផ្ទុកសុីម៉ង់ (បើកបរទិសដៅពីត្បូងទៅជើង ហើយបត់ឆ្វេងត្រឡប់ក្រោយ) ដោយឈ្មោះ ថន.ម៉េងល័ង ភេទប្រុស អាយុ ២៦ឆ្នាំ រស់នៅភូមិវ៉ារិន្ទ ឃុំខ្ចៅ ស្រុកកងមាស ខេត្តកំពង់ចាម មុខរបរបើកបររថយន្ត (គ្មានរបួស)(នាំខ្លួនទៅអធិការដ្ឋាននគរបាលស្រុកកំពង់ស្វាយដើម្បីសួរនាំ)។
រថយន្តហុិនដាយ(ឃ្លុប) ក្បាលពណ៌ស ឃ្លុបពណ៌ក្រហម ផ្លាកលេខកំពង់ធំ3A.2047 ផ្ទុកទឹកបាកាល (បើកបរផ្លូវត្រង់ពីត្បូងទៅជើង) ដោយឈ្មោះ ឆិញ.ចាន់សារុំ ភេទប្រុស អាយុ ៣៧ឆ្នាំ មុខរបរបើកបររថយន្ត នៅភូមិព្រែកស្បូវ សង្កាត់អូរកន្ធរ ក្រុងស្ទឹងសែន ខេត្តកំពង់ធំ (របួសស្រាល)។ អ្នករួមដំណើរចំនួន០២នាក់ៈ
១-ឈ្មោះ រិន.ចាន់សេរីវឌ្ឍន៍ ភេទប្រុស អាយុ ១៥ឆ្នាំ មុខរបរសិស្ស រស់នៅភូមិកំពង់រទេះ សង្កាត់កំពង់រទេះ ក្រុងស្ទឹងសែន ខេត្តកំពង់ធំ(របួសស្រាល)។
២-ឈ្មោះ ឆិញ.ចាន់សារ៉ង់ ភេទប្រុស អាយុ ២៨ឆ្នាំ មុខរបរធ្វើស្រែ រស់នៅភូមិក្តីដូង ឃុំក្តីដូង ស្រុកកំពង់ស្វាយ ខេត្តកំពង់ធំ(របួសស្រាល)។
ក្រោយកើតហេតុសមត្ថកិច្ចបានចុះវាស់វែងនៅទីកន្លែងកើតហេតុ ធ្វើកំណត់ហេតុប្រមូលវត្ថុតាងយករក្សាទុកនៅអធិការដ្ឋាននគរបាលស្រុកកំពង់ស្វាយ។
ករណីគ្រោះថ្នាក់ចរាចរណ៍នេះសមត្ថកិច្ចជំនាញបានបញ្ជាក់ថាមូលហេតុបឋមបង្កឡើងដោយអ្នកបើកបររថយន្តសណ្តោងសុឺមីរុឺម៉កឈ្មោះ ថន.ម៉េងល័ង បើកបរបត់ឆ្វេងត្រឡប់ក្រោយ ខ្ជីខ្ជាខ្វះការប្រុងប្រយ័ត្ន៕
