ភ្នំពេញ៖នៅថ្ងៃទី០៦ខែឧសភាឆ្នាំ២០២០ វេលាម៉ោ១៨ និង ៥២នាទី កម្លាំងប៉ុស្តិ៍នគរបាលរដ្ឋបាលទឹកថ្លា ធ្វើការ ឃាត់ខ្លួនជនសង្ស័យ ០៣នាក់ ករណីឆក់ទូរសព្ទ័ដៃ នៅចំណុចមុខឃ្លាំងលក់គ្រឿងសង្ហារឹមសុខហេង ផ្លូវបេតុង ភូមិចុងថ្នល់ខាងកើត សង្កាត់ទឹកថ្លា ខណ្ឌសែនសុខ រាជធានីភ្នំពេញ។ប្រភពពីសមត្ថកិច្ចបានអោយដឹងថា ជនសង្ស័យ០៣នាក់ រួមមាន៖ ១-ឈ្មោះ រិទ្ធី ប៉ ភេទប្រុស អាយុ១៥ ជនជាតិខ្មែរ មុខរបរគ្មាន ស្នាក់នៅផ្ទះសង់ថ្មី ផ្លូវបេតុង សង្កាត់ស្ទឹងមានជ័យ ខណ្ឌមានជ័យ (គ្មានសារធាតុញៀន) , ២-ឈ្មោះ កែវ សុផានិត ភេទប្រុស អាយុ១៥ ជនជាតិខ្មែរ មុខរបរគ្មាន ស្នាក់នៅផ្ទះសង់ថ្មី ផ្លូវបេតុង សង្កាត់បឹងសាឡាង ខណ្ឌទួលគោក (គ្មានសារធាតុញៀន) , ៣-ឈ្មោះ ឡាយ 
សុភ័ត្ត្រា ភេទប្រុស អាយុ២០ ជនជាតិខ្មែរ មុខរបរគ្មាន ស្នាក់នៅផ្ទះលេខ១៧E ផ្លូវ២៧១ ភូមិត្រពាំងឈូក សង្កាត់អូរបែកក្អម ខណ្ឌសែនសុខ (គ្មានសារធាតុញៀន) បានធ្វើសកម្មភាឆក់ទូរសព្ទ័ដៃពីជនរងគ្រោះឈ្មោះ ហ៊ន សេរីរ័ត្ន ភេទស្រី អាយុ២៦ឆ្នាំ ជនជាតិខ្មែរ មុខរបរបុគ្គលិកក្រុមហ៊ុនឯកជន ស្នាក់នៅភូមិអន្លង់ក្ងាន សង្កាត់ឃ្មួញ ខណ្ឌសែនសុខ ។ សម្ភារបាត់បង់៖ទូរសព្ទ័ដៃ០១គ្រឿង ម៉ាកអាយហ្វូន ។សម្ភារៈបន្សល់ទុក ម៉ូតូ០២ (១-គ្រឿង ម៉ាកនិច ពណ៌សលាយលឿង ផលិតឆ្នាំ២០២០ ពាក់ស្លាកលេខភ្នំពេញ 1HY-5510 , ២-គ្រឿង ម៉ាកនិច ពណ៌សលាយលឿង ផលិតឆ្នាំ២០២០ ពាក់ស្លាកលេខភ្នំពេញ 1IF-4660 របស់ជនសង្ស័យ ។បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី៕
