កំពង់ឆ្នាំង៖សំរាមដ៏ស្អុយរលួយយកពីផ្សារឃុំឆ្នុកទ្រូ ជាច្រើនខែកន្លងមកនេះត្រូវបានគេយកមកចាក់ចោលយ៉ាងអាណាធិប្បតេយ្យនៅតាមមាត់ប្រឡាយ និងជាមាត់កំពង់ឃុំឆ្នុកទ្រូ ស្រុកបរិបូរណ៌ ដែលអាចធ្វើអោយប៉ះពាល់ដល់សុខភាពប្រជាពលរដ្ឋ ប៉ុន្តែមិនត្រូវបានអ្នកម៉ៅការភាស៊ីផ្សារ អាជ្ញាធរស្រុកនិងមន្ទីរពាក់ពន្ធ័ខ្វាយខ្វល់ឬឈឺក្បាលអ្វីឡើយ។ 
ប្រជាពលរដ្ឋនៅផ្សារឃុំឆ្នុកទ្រូ និងនៅផ្សារពន្លៃ ស្រុកបរិបូរណ៌បានអោយដឹងថា៖ អ្នកម៉ៅការដេញបានភាស៊ីផ្សារនៅក្នុងស្រុកបរិបូរណ៌ពីរដ្ឋ គឺលោក ផាន់ សាឡន ហើយ អ្នកម៉ៅការបន្ត គឺលោក អ៊ុល។ ប៉ុន្តែនៅក្នុងការងារប្រមូលសំរាមពីក្នុងផ្សារយកមកចាក់ ចោលក្នុងកន្លែងណាមួយអោយបានត្រឹមត្រូវវិញនោះគឺមិនអនុវត្តបានល្អឡើយ។
ជាក់ស្តែងដូចក្នុងរូបភាពខាងលើនេះ គឺជាសំរាមចេញពីក្នុងផ្សារមាត់កំពង់ឃុំឆ្នុកទ្រូ ដែលមានកាកសំណល់ស្អុយរលួយគ្រប់ប្រភេទ ត្រូវបានកេដឹកយកមកចាក់ចោលតាមប្រឡាយ ទឹកមាត់កំពង់ ជះក្លិនអាសោចយ៉ាងខ្លាំងដល់អ្នកធ្វើដំណើរឆ្លងកាត់ និងក៏អាចធ្វើអោយ ប៉ះពាល់ដល់សុខមាលភាពប្រជាពលរដ្ឋដែលរស់ក្នុងមូលដ្ឋាននោះផងដែរ។ ប្រជាពលរដ្ឋបានអោយដឹងទៀតថា៖កន្លងមកលោក អ៊ុល ជាអ្នកម៉ៅការភាស៊ីផ្សារ បន្តពី លោក ផាន់ សាឡន ធ្លាប់បានប្រើអំណាចកៀបសង្កត់លើប្រជាពលរដ្ឋយ៉ាងខ្លាំង ផងដែរ ដែលមានករណីខ្លះប្រជាពលរដ្ឋបានទុកម៉ូតូចោលក្រៅផ្សារមួយភ្លែតចូលទៅក្នុង ផ្សារទិញឥវ៉ាន់មិនបានយកទៅផ្ញើរកន្លែងដាក់ភាស៊ី ត្រូវបានលោកអ៊ុល បញ្ជារអោយកូន ចៅ ចាប់អូសម៉ូតូនោះមកទុកកន្លែងផ្ញើរភាស៊ីម៉ូតូ ហើយកៀបសង្កត់ម្ចាស់ម៉ូតូទារកយលុ យ៥ពាន់រៀលទើបប្រគល់ម៉ូតូអោយវិញ។ 
ដោយឡែកចំពោះសំរាមវិញអាជ្ញាធរស្រុកបានអោយដឹងថា៖មិនមែនអត់កន្លែងយក ទៅចោលនោះទេ គឺមានរណ្តៅសំរាប់ចោលនៅខាងលិចឆ្ងាយបន្តិចពីផ្សារពន្លៃស្រុកបរិបូ រណ៌ តែគេមិនសូវឃើញអ្នកម៉ៅការភាស៊ីផ្សារដឹកសំរាមយកទៅចោលនៅទីនោះរៀងរាល់ថ្ងៃនោះឡើយ។ ទាក់ទងនិងរឿងនេះអ្នកយកព័ត៌មានក្នុងស្រុកបរិបូរណ៍សួរទៅលោកអ៊ុល គាត់បាន និយាយអោយដឹងថា៖ការប្រមូលយកភាស៊ីមិនសូវរកប្រាក់បានឡើយ តែថ្នាក់លើចេះតែ មកកៀបយកលុយជាបន្តបន្ទាប់ ហេតុនេះគាត់ក៏ចេះតែធ្វើខុសខ្លះត្រូវខ្លះទៅដើម្បីប្រមូលលុយទុកដោះស្រាយអោយគេនិងដោះស្រាយឆ្នាំងបាយខ្លួនឯងផង។
រឿងសំរាមខាងលើនេះប្រជាពលរដ្ឋសំណូមពរដល់លោកអភិបាលស្រុក និងលោក ប្រធាមន្ទីរសេដ្ឋកិច្ចហិរញ្ញវត្ថុខេត្ត ដែលជាអ្នកគ្រងគ្រងការងារនេះជួយព្រមាននិងចាត់ការ ឬផាកពិន័យអ្នកម៉ៅការភាស៊ីផ្សារដែលមិនគោរពច្បាប់ក្នុងសៀវភៅបន្ទុកអោយបានម៉ឺង ម៉ាត់ផង ទើបអាចដោះស្រាយរឿងនេះតាមសំណូរប្រជាពលរដ្ឋបាន ៕
