ភ្នំពេញ ៖ បុរសម្នាក់បានរងរបួសធ្ងន់ ត្រូវបានបញ្ជូនតាមរថយន្តដឹកទៅកាន់មន្ទីរពេទ្យភ្លាមៗ បន្ទាប់ពីបេីករថយន្តស៊េរីទំនេីបម៉ាក RANGE ROVER វ៉ាជែងគ្នាជ្រុលទៅបុកគល់ស្ពានព្រែកជ្រៃ ពេញទំហឹង ។ហេតុការណ៍គ្រោះថ្នាក់ចរាចរណ៍នេះបានបង្កការភ្ញាក់ផ្អេីលកាលពីវេលាម៉ោង៩យប់ ថ្ងៃទី១២ ខែឧសភា ឆ្នាំ២០២០ នៅចំណុចគល់ស្ពានព្រែកជ្រៃ តាមបណ្ដោយផ្លូវ២១៧ ក្នុងភូមិព្រែកជ្រៃ សង្កាត់ស្ពានថ្ម ខណ្ឌង្កោ រាជធានីភ្នំពេញ ។
ប្រជាពលរដ្ឋដែលឃេីញហេតុការណ៍ខាងលេីបានប្រាប់ឲ្យដឹងថា ដំបូងគេឃេីញរថយន្តបង្កស៊េរីទំនេីបម៉ាក RANGE ROVER ពណ៌ស ពាក់ស្លាកលេខភ្នំពេញ 2BH-6588 បានធ្វេីដំណេីរតាមបណ្ដោយផ្លូវ២១៧ ទិសដៅពីត្បូងមកជេីងក្នុងល្បឿនលឿន និងបេីកទទ្ទឹមគ្នាជាមួយរថយន្តផ្សេង ធ្វេីឲ្យរថយន្តបង្កជ្រុលចង្កូតទៅបុកគល់ស្ពានពេញទំហឹងបណ្ដាលឲ្យរថយន្តខ្ទេចមួយកំណាត់មុខ ឯគល់ស្ពាននិងរូបចំលាក់នាគក៏បាក់បែកជាច្រេីន
ផងដែរ ។
ក្នុងហេតុការណ៍គ្រោះថ្នាក់ចរាចរណ៍ខាងលេីក៏បានធ្វេីឲ្យតៃកុងរងរបួសខ្លួនប្រាណផងដែរ នឹងត្រូវបានរថយន្តអ្នកដែលស្គាល់គ្នាដឹកទៅកាន់មន្ទីរពេទ្យភ្លាមៗផងដែរ ។
ក្រោយមក សមត្ថកិច្ចមូលដ្ឋានបានចុះមកដល់ និងទាក់ទងទៅជំនាញចរាចរណ៍ចុះមកធ្វេីការវាស់វែងនាំយករថយន្តទៅក្សាទុកនៅការិយាល័យចរាចរណ៍ជេីងគោក នៃស្នងការដ្ឋាននគរបាលរាជធានីភ្នំពេញ រង់ចាំម្ចាស់ចូលខ្លួនទៅដោះស្រាយតាមច្បាប់ ៕
