សៀមរាប៖ រថយន្តសាំយ៉ុងដឹកភ្ញៀវទេសចរជនជាតិចិន ព្រលៈគ្នាជាមួយនឹងរម៉កដឹកជ្រូកបណ្តាលឱ្យអ្នកបើករម៉កស្លាប់ភ្លាមៗនៅនឹងកន្លែង រីឯអ្នកបើករថយន្តនោះបានគេចខ្លួនបាត់ ចំណែកភ្ញៀវទេសចរត្រូវបានម្ចាស់ក្រុមហ៊ុន យករថយន្តមកដឹកបន្ត។ហេតុការគ្រោះថ្នាក់ចរា ចរណ៍នេះកើតឡើងនៅវេលាម៉ោង៨និង៣០នាទី ថ្ងៃទី២២ ខែកក្កដា ឆ្នាំ២០១៤តាមបណ្តោយផ្លូវជាតិលេខ៦ស្ថិតនៅភូមិអន្លង់២ ឃុំត្រពាំងធំ ស្រុកប្រាសាទបាគង ខេត្តសៀមរាប។ 
លោកអនុសេនីយ៍ទោ សុខ ប៊ុន រ៉ុង នាយផ្នែកនគរបាលចរាចរណ៍ស្រុកប្រាសាទបាគង បានប្រាប់ ថា គ្រោះថ្នាក់ចរាចរណ៍ រវាងរថយន្ត និង ម៉ូតូរម៉កដឹកជ្រូកនេះបើក ច្រាសទិសគ្នា ក្នុងនោះ បើតាមការវាស់វែង បង្ហាញថា រម៉កដឹកជ្រូក បានរ៉េចង្កូតចូលផ្លូវអទិភា ពខាងរថយន្ត។លោកបន្តថា ជនរង គ្រោះ ជាអ្នកបើករម៉កដឹកជ្រូក មានឈ្មោះ ជា សាក់ ឡូ ភេទប្រុស អាយុ៥៣ឆ្នាំ រស់នៅភូមិអង្គ្រង ឃុំកន្ទ្រាំង ស្រុកប្រាសាទបាគង 
ខេត្តសៀមរាប ត្រូវបានស្លាប់ភ្លាមៗនៅនឹងកន្លែង ក្នុងនោះមានជ្រូកចំនួន៦ ងាប់១ ចំណែកអ្នកបើករថយន្ត បានគេចខ្លួនបាត់ រីឯភ្ញៀវទេសចរជនជាតិចិនចំនួន១១នាក់ ប្រុស២នាក់ ។ រថយន្តសាំយ៉ុង ពណ៌ស ពាក់ស្លាកលេខភ្នំពេញ 2D 0061 និងម៉តូរម៉កដឹកជ្រូក ត្រូវបានអូសយកទៅរក្សាទុកនៅអធិការនគរបាលស្រុកប្រាសាទបាគងដើម្បីរងចាំការដោះស្រាយតាមផ្លូវច្បាប់៕កុសល
