ខេត្តស្ទឹងត្រែង៖ ឧបករណ៍ប្រើប្រាស់ក្នុងយុទ្ធនាការប្រឆាំងជម្ងឺកូវីដ១៩ ត្រូវបានប្រគល់ជូនមន្ទីរសុខាភិបាលខេត្តស្ទឹងត្រែងដើម្បីយកទៅប្រើប្រាស់ តាមតម្រូវការចាំបាច់ក្នុងការទប់ស្កាត់ ការពារ ប្រយុទ្ធ និងជម្ងឺកូវីដ១៩ ។ការប្រគល់ជូននេះ ត្រូវបានធ្វើឡើងកាលពីល្ងាចថ្ងៃទី១៩ ខែឧសភា ឆ្នាំ២០២០នៅមន្ទីរសុខាភិបាលខេត្តតាមរយ:ឯកឧត្តម ម៉ុម សារឿន អភិបាលនៃគណៈអភិបាលខេត្តស្ទឹងត្រែង និងជាប្រធានគណៈបញ្ជាការឯកភាពខេត្តផងដែរ ។ឯកឧត្តម អភិបាលខេត្ត បានមានប្រសាសន៍ថ្លែងអំណរគុណដល់ទីបញ្ជាការដ្ឋានសឹករងខេត្ត ដែលបានផ្តល់ជូននូវអំណោយដែលមានសារៈសំខាន់ទាំងនេះ ដើម្បីរួមចំណែក និងចូលរួមទប់ស្កាត់ ការពារ ប្រយុទ្ធ និងជម្ងឺកូវីដ១៩ ដែលជាប្រភេទជម្ងឺដ៏កាចសាហាវ និងមានគ្រោះថ្នាក់សម្រាប់មនុស្សជាតិ ។ឯកឧត្តម អភិបាលខេត្តបានឲ្យដឹងថា:សម្ភារៈសម្រាប់ទប់ស្កាត់ ការពារ ប្រយុទ្ធនិងជម្ងឺកូវីដ១៩ នាពេលនេះ រួមមានអាវការពារចំលងមេរោគចំនួន១០០សម្រាប់. ថ្នាំសម្លាប់មេរោគក្លូរ៉ាមីុន ចំនួន៤ធុង ស្មើនិង១០០គីឡូក្រាម ជាអំណោយរបស់ទីបញ្ជាការដ្ឋានសឹករងខេត្តស្ទឹងត្រែង ។ឯកឧត្តម បានសង្កត់ធ្ងន់ថា:ការចូលរួមផ្តល់ជាសម្ភារៈទប់ស្កាត់ជម្ងឺកូវីដ១៩ របស់បញ្ជាការដ្ឋានសឹករងនេះផងដែរ គឺជាការបញ្ជាក់ឲ្យឃើញយ៉ាងច្បាស់ ពីការចូលរួមរបស់ថ្នាក់ដឹកនាំ គ្រប់ស្ថាប័ន ដើម្បីការពារនូវជម្ងឺដ៏កាចសាហាវមួយនេះ មិនឲ្យមានការរីករាលដាលដល់ប្រជាពលរដ្ឋ ក៏នឹងបានបង្ហាញពីការត្រៀមលក្ខណៈរួចជាស្រេច ពីសំណាក់អ្នកពាក់ព័ន្ធគ្រប់ជាន់ថ្នាក់ គ្រប់ផ្នែក ក្នុងការការពារមិនឲ្យមាន
ការឆ្លងនូវជម្ងឺប្រភេទថ្មី ដល់ប្រជាពលរដ្ឋ ពិសេស ខេត្តស្ទឹងត្រែងដែលមិនមានវិជ្ជមានជម្ងឺកូវីដ១៩ ចាប់ពីជម្ងឺប្រភេទថ្មីនេះបានផ្ទុះឡើង ។ឯកឧត្តម អភិបាលខេត្ត បានណែនាំដល់មន្ទីរសុខាភិបាល ក្រោយពេលទទួលបានសម្ភារៈទាំងនេះហើយ ត្រូវប្រើឲ្យចំគោលដៅ ដើម្បីធានាបានពីការឆ្លងជម្ងឺកូវីដ១៩ដល់ប្រជាពលរដ្ឋកម្ពុជាយើង ដើម្បីឲ្យការប្រើប្រាស់ឧបរណ៍នេះមានប្រសិទ្ធភាព ។ឯកឧត្តមក៏បានឆ្លៀតយកឱកាសនេះក្រើនរំលឹកដល់មន្ទីរសុខាភិបាលខេត្ត ដែលចំណុះក្រោមរដ្ឋបាលខេត្ត ឲ្យបន្តសកម្មភាពធ្វើការផ្សព្វផ្សាយ និងណែនាំ ដល់ប្រជា
ពលរដ្ឋ គ្រប់ទីកន្លែង នៅតាមមូលដ្ឋានជាប្រចាំ កុំឲ្យពួកគាត់ភ្លេចខ្លួន ក្នុងការការពារកុំឲ្យឆ្លងជម្ងឺកូវីដ១៩ដ៏កាចសាហាវនេះ ៕
