បន្ទាយមានជ័យ៖ ល្បែងស្នេហាមួយបានបែកព្រីយ៉ុងនៅចំកណ្តាលហ្វូងមហាជនខណៈមានអំពើហិង្សារផ្ទុះឡើងដោយភាគីម្ខាងបានយកទឹកអាស៊ីតធើ្វជាអាវុធនោះ ល្បែងស្នេហាជាទូទៅគេនិយមលេងតែគ្នាពីរនាក់ តែបើប្រថុយលេងគ្នាដល់ទៅបីនាក់មុខជាកុនការដោមានម្នាក់ចាញ់ឬកើតទុក្ខអស់មួយជីវិតជាមិនខាន ។
ជាក់ស្តែងកាលពីម្សិលមិញស្របពេលមេឃមានភ្លៀងរលឹមធ្លាក់ជោគជាំធើ្វឲ្យហ្វូងមនុស្សបានរត់ទៅជ្រកកោនក្រោមដំបូលផ្សារយ៉ាងច្រើនកុះករ នារសៀលម៉ោង៣និង១៥នាទីថ្ងៃទី២១ខែកក្កដាឆ្នាំ២០១៤កន្លងទៅនេះ។ ប្រភពបានប្រាប់ថា៖មិនយូប៉ុន្មានគេបានឃើញស្ត្រីវ័យពាក់កណ្តាល៥៤ឆ្នាំម្នាក់ដៃកាន់កាបូបស្ពាយនាងពាក់អាវពណ៌ក្រហម សាកសមនិងកំពស់ដងខ្លួនរបស់នាង១,៦០ម៉ែត្រប្លាយ បើនិយាយពីសម្ផស្សរបស់វិញគឺមិនចាញ់តួអង្គតារាកូរ៉េប៉ុន្មានឡើយ ។
ស្ត្រីដែលមានសម្រស់គ្រាន់បើរូបនោះត្រូវបានគេស្គាល់ឈ្មោះតាំង មួយជូ អាយុ៣០ឆ្នាំមុខរបរលក់ផ្លែឈើនៅផ្សារព្រៃគប់សង្កាត់ផ្សារកណ្តាលក្រុងប៉ោយប៉ែតខេត្តបន្ទាយមានជ័យ។ បន្ទាប់ពីនាងបានមកដល់ផ្សារប៉ោយប៉ែតថ្មីនៅចន្លោះម៉ោង៣រសៀលនាងបាននិយាយទូរសព្ទ័ឆ្លើយឆ្លងគ្នាទំនងជាប្តីរសំណប់របស់នាង ភ្លាមនោះនាងបានកំហ្មង់មីស៊ប់ ពេលនិយាយទូរសព្ទ័ចប់នាងចាប់ផ្តើមញាំមីបានតែពីរបីមាត់ប៉ុណ្ណោះ ស្រាប់តែមានស្ត្រីម្នាក់ផ្សេងទៀតដៃកាន់ទឹកអាស៊ីតដែលគេបានរៀបចំទុកជាស្រេចរត់មកជេះលើរាង្គកាយស្ត្រីរងគ្រោះនិងមនុស្សចំនួន៣នាក់ផ្សេងទៀតដែលកំពុងតែញាំអាហារក្បែរនាងបណ្តាលឲ្យរងរបួសស្រាល ចំណែកនាងតាំងមួយជូរបានរងរបួសធ្ងន់ហើយត្រូវបានអ្នកជិតខាងជួយសង្គ្រោះទាន់ពេល ។
មកទល់និងថ្ងៃទី២២កក្កដាឆ្នាំ២០១៤នេះស្ត្រីរងគ្រោះត្រូវបានគ្រូពេទ្យកោសក់អស់ហើយ ចំណែកស្ថានភាពជម្ងឺររបស់នាងហាក់មិនជាធ្ងន់ធ្ងរប៉ុន្មានទេ ព្រោះនាងអាចនៅនិយាយបានគ្រាន់តែឆេះអស់សក់មួយចំហៀងក្បាល ។ ចំណែកលោកគ្រូពេទ្យបានបញ្ជាក់ថា៖បន្ទាប់ពីនាងជាសះស្បើយវិញសម្ផស្សរបស់នាងបាន បន្ទាប់បានជេះទឹកអាស៊ីតលើនារីរងគ្រោះហើយជនដៃដល់បានរត់គេចខ្លួនបាត់ស្រមោលបន្សល់ទុកវត្ថុតាងទឹកអាស៊ីតចំនួន២ដបនិងផ្តឹកមួយ ។
ពាក់ពន្ធ័ករណីវាយប្រហារដោយទឹកអាស៊ីតខាងលើនេះនៅរសៀលថ្ងៃទី២២ខែកក្កដាឆ្នាំ២០១៤នេះ ភ្នាក់ងារសារព័ត៌មានយើងបានទាក់ទងសុំការបំភ្លឺពីលោក អឹមសុភារៈនាយប៉ុស្តិ៍ប៉ោយប៉ែតតែទូរសព្ទ័ចូលចំនួន៤ដងមិនមានអ្នកលើក ។ ពាក់ពន្ធ័និងស្ត្រីរងគ្រោះដែលរងការវាយប្រហារដោយទឹកអាស៊ីតកាលពីម្សិលមិញនោះ ប្រភពបានប្រាប់ថានាងតាំងមួយជូ មានលំនៅបច្ចុប្បន្ននៅភូមិបាលិលេយ្យព្រៃគប់ហើយប៉ុន្មានឆ្នាំមុនគេបានឃើញនាងរស់នៅតែម្នាក់ឯងអ្នកខ្លះគិតថានាងជាស្ត្រីមេម៉ាយហើយអ្នកខ្លះទៀតគិតថានាងក្រមុំសៅកែផង តែពេលគេសួរនាំនាងបានប្រាប់ថា៖នាងមានប្តីហើយ ហើយប្តីរបស់នាងនៅឯរាជធានីភ្នំពេញ ប្រភពបានបន្តថាមួយឆ្នាំចុងក្រោយនេះគេបានឃើញប្តីរបស់នាង បានមករួមរស់រួមសុខជាមួយនាងនៅក្នុងភូមិខាងលើ ចំណែករឿងរ៉ាវដែលថាវាជាស្នេហាត្រីកោណនោះ គ្មានអ្នកណាម្នាក់អាចបញ្ជាក់បានឡើយ មានតែនាងតាំងមួយជូ ប៉ុណ្ណោះដែលអាចវះកាត់សេចរឿងបាន ។ 
បើទោះជាយ៉ាងនេះសម្រាប់ប្រជាពលរដ្ឋនៅជុំវិញផ្សារប៉ោយប៉ែតថ្មីបានសម្តែងនូវក្តីព្រួយបារម្ភចំពោះសន្តិសុខនៅជុំវិញផ្សារ ព្រោះនាពេលនេះម្ចាស់ផ្សារមិនបានរៀបចំឲ្យមានកងសន្តិសុខដូចគ្រាមុនឡើយ ។ ពួកគេថាកន្លងមក ម្ចាស់ផ្សារមុនគេបានរៀបចំឲ្យមានកងសន្តិសុខនិងសណ្តាប់ធ្នាប់បានល្អហើយបើមានបញ្ហាអី្វកើតឡើងគឺកងសន្តិសុខ ជួយពួកគេបានភ្លាមប៉ុន្តែម្ចាស់ផ្សារថ្មីនេះបានរំសាយចោលកងសន្តិសុខផ្សារអស់ហើយ ។
ជាក់ស្តែងករណីវាយប្រហារដោយទឹកអាស៊ីតលើស្ត្រីរងគ្រោះឈ្មោះតាំងមួយជូកាលពីម្សិលមិញនោះ បើមានកងសន្តិសុខនៅយាមដូចមុខម្លេះជនដៃដល់មិនអាចរត់គេចខ្លួនបានដោយសុវត្ថិភាពនោះទេ ។ ក្រុមអាជីវករនៅក្នុងក្រុងប៉ោយប៉ែតជាពិសេស់អ្នកលក់មាសនៅជុំវិញផ្សារប៉ោយប៉ែតថ្មី សូមសំណូមពរឲ្យអាជ្ញាធរមេត្តាគិតគួរពីសុវត្ថិភាពរបស់អាជីវករផង ព្រោះថ្មីៗនេះមានករណីប្លន់អ្នកមាសស្ទើតែពេញផ្ទៃប្រទេសប៉ុន្តែសមត្ថកិច្ចមិនដែលបានចាប់ជនដៃដល់បានម្តងណាឡើយ ។
