សៀមរាប៖ជំនាញរដ្ឋបាលព្រៃឈើសៀមរាបដឹកនាំដោយលោកប្រាក់ម៉ារីណានាយរងខណ្ឌសៀមរាបរួមជាមួយផ្នែក សង្កាត់ ដែលជាមូលដ្ឋានក្នុងតំបន់គ្រប់គ្រងបានចុះត្រួតពិនិត្យនូវទីតាំងសិប្បកម្មកែឆ្នៃឈើជាច្រើនកន្លែងនៅក្នុងក្រុងសៀមរាបក្រោយពីកើតមានភាពមិនក្រក្រតីមួយចំនួនកន្លងទៅ។ 
ការចុះត្រូតពិនិត្យនូវទីតាំងសិប្បកម្មកែឆ្នៃឈើនេះធ្វើឡើងនៅព្រឹកថ្ងៃទី២២ខែកក្កដាឆ្នាំ២០១៤នៅភូមិត្រពាំងសេះ សង្កាត់គោកចក ក្រុងសៀមរាប ខេត្តសៀមរាប។ លោកប្រាក់ម៉ារីណានាយរងខណ្ឌរដ្ឋបាលព្រៃឈើសៀមរាបបានឲ្យដឹងថាការចុះត្រួតពិនិត្យនេះគឺជំនាញរកមើលថាតើសិប្បកម្មកែឆ្នៃឈើទាំងនោះមានច្បាប់ឬអត់ច្បាប់តែបើអត់ច្បាប់ណែនាំឲ្យពួកគាត់ត្រូវធ្វើច្បាប់។ លោកនាយរងខណ្ឌបន្ថែមថាពាក់ព័ន្ទនឹងទីតាំងសិប្បកម្មអត់ច្បាប់គឺធ្វើកំណត់ហេតុឲ្យម្ចាស់ផ្ដិតមេដៃទទួលខុត្រូវនឹងរក្សាទុកឈើនៅនឹងកន្លែង ចំណែកការកែឆ្នៃត្រូវបិតជាបណ្ដោះអាសន្នសិន។
ដោយឡែកទីតាំងសិប្បកម្មមានច្បាប់ក៍ត្រួតពិនិត្យនឹងធ្វើកំណត់ហេតុដែរ។ មន្ត្រីរដ្ឋបាលព្រៃឈើបញ្ជាក់ថាប្រតិបត្តិការចុះត្រួតពិនិត្យនូវទីតាំងសិប្បកម្មកែឆ្នៃឈើនេះគឺធ្វើនៅចំណុចចុងកៅស៊ូបន្តទៀត ក្នុងនោះដេប៉ូលក់ ទិញឈើក៍ត្រូវត្រួតពិនិត្យដែរ តែធ្វើជាជំហ៊ានៗ សូមបញ្ជាក់ថានៅក្រុងសៀមរាបមានទីតាំងសិប្បកម្មកែឆ្នៃឈើរាប់រយកន្លែងមានច្បាប់ខ្លះអត់ច្បាប់ខ្លះប៉ុន្តែសិប្បកម្មទាំងនោះសុទ្ធតែបើកទិញឈើប្រណិតៗដោយខុសច្បាប់ពីក្រុមឈ្មួញមកកែឆ្នៃយ៉ាងគគ្រឹកគគ្រេងបំផុត។ជាមួយគ្នារនេះដែរនៅតំបន់ស្រែណូយក៍មានទីតាំងសិប្បកម្មកែឆ្នៃឈើរាប់រយកន្លែងផងដែរដែលកំពុងតែដំណើរការគ្មានអ្នកបង្ក្រាប។
