សៀមរាប៖ ក្រុមឈ្មួញរកស៊ីឈើកំពុងតែប្រើរូបមន្តអភិវឌ្ឍន៍កាប់បំផ្លាញព្រៃឈើនឹងដឹកជញ្ជូនឈើដោយខុសច្បាប់នៅតំបន់ស្រែណូយស្រុកវ៉ារិនខេត្តសៀមរាបកាន់រីករាលដាលធំឡើងៗធ្វើឲ្យព្រៃឈើនៅតំបន់នោះទទួលរងនូវការវិនាសសកម្មមហន្តរាយយ៉ាងធ្ងន់ធ្ងរបំផុតចំណែកសមត្ថកិច្ចជំនាញពាក់ព័ន្ទបាននាំទទួលសេវាពីក្រុមឈ្មួញដោយមិនញញើតដៃជាពិសេសមេព្រៃនៅតំបន់នោះឈ្មោះលីសុផានឹងសេងវឿតតែម្ដង។
តាមសេចក្ដីរាយការណ៍បានឲ្យដឹងថាក្រុមមេក្លោងជាឈ្មួញរកស៊ីបទល្មើសព្រៃឈើនៅតំបន់ស្រែណូយនោះឈ្មោះឆាយថៅកែដេប៉ូស្រែណូយឈ្មោះចិត្តឈ្មោះរិទ្ធនឹងស្វិត ជាក្រុមឈ្មួញដុះស្លែធំបំផុតប្រចាំឃុំស្រែណូយដោយពួកឈ្មួញទុច្ចរិតទាំងអស់នេះម្នាក់ៗបានស្តុកឈើប្រណិតៗរាប់សិបម៉ែត្រគូបក្នុងទីតាំងដេប៉ូនឹងរោងសិប្បកម្មរបស់ពួកគេដើម្បីកែឆ្នៃជាគ្រឿងសង្ហារឹមខ្លះនឹងមិនកែឆ្នៃខ្លះហើយធ្វើការដឹកជញ្ជូនទៅកាន់ទីផ្សារក្រុងសៀមរាបនឹងមួយចំនួនទៀតដឹកទៅកាន់ដេប៉ូស្រុកអង្គជុំ។
សេចក្ដីរាយការណ៍បន្ថែមថាមេឈ្មួញដុះស្លែទាំងអស់នោះបានបង់ថ្លៃការពារឲ្យមេព្រៃឈ្មោះលីសុផាមេសង្កាត់ស្ដីទីរដ្ឋបាលព្រៃឈើស្រែណូយនឹងសេងវឿតមេផ្នែករដ្ឋបាលព្រៃឈើក្រឡាញ់ទើបពួកគេអាចធ្វើសកម្មភាពកាប់បំផ្លាញព្រៃឈើនឹងដឹកជញ្ជូនឈើដោយខុសច្បាប់ ដោយគោយន្តកែឆ្នៃរថយន្តស៊ាំយុងកូរ៉េនីហ្សាន់ចាប់ពី៥គ្រឿងទៅ១០គ្រឿងក្នុងមួយថ្ងៃ ដោយមិនខ្លាចសមត្ថកិច្ចជាពិសេសជំនាញមេព្រៃដែលនៅតាមដងផ្លូវ ដែលគេមានការសង្ស័យថា លោកមេព្រៃសេងវឿតនៅពីក្រោយខ្នងពីសកម្មភាពនេះ។ 
មន្ត្រីសាលាស្រុកមួយរូបនិយាយថា នៅតំបន់គ្រប់គ្រងរដ្ឋបាលព្រៃឈើនៅផ្នែកក្រឡាញ់ ដែលមានលោក សេង វឿត ជាអ្នកទទួកខុសត្រូវ ក្នុងការទប់ស្កាត់នោះ បានកំពុងតែទទួលរងនូវការកាប់បំផ្លាញពីសំណាក់ឈ្មួញទុច្ចរិតដោយមិនញញើតដៃស្ទើក្លាយជាទីវាលរហោស្ថាន ។ សេចក្ដីរាយការណ៍បន្ថែមថា សកម្មភាពកាប់អារបំផ្លាញព្រៃឈើ និងដឹកជញ្ជូនឈើនេះ បានកើតមានជាយូណាស់មកហើយ នៅព្រំប្រទល់ស្រុកអន្លង់វែង ខេត្តឧត្តរមានជ័យ ដោយក្រុមឈ្មួញបានប្រើប្រាស់នូវម៉ាស៊ីនត្រង់ទន័រ រាប់រយគ្រឿង ក្នុងការអារដើមឈើទាំងធំទាំងតូចទាំងយប់ទាំងថ្ងៃ លាន់លឺរំពោងពេញព្រៃ។
មន្ត្រីអង្គរការឃ្លាំមើលបទល្មើសព្រៃឈើបានឲ្យដឹងថាថា ចលនាកាប់បំផ្លាញព្រៃឈើនៅទឹកដីផ្នែកក្រឡាញ់នេះ បានក៍ព្រោះតែលោក សេង វឿត នឹងលីសុផាជាអ្នកនៅពីក្រោយខ្នងដែរទើបសកម្មភាពចេះតែរីករាលដាលធំឡើងៗ គួឲ្យព្រូយបារម្មណ៍។ ពាក់ព័ន្ទទៅការដឹកជញ្ជូនឈើនៅតំបន់ស្រែណូយនេះ កាលពីព្រឹកថ្ងៃទី២០ខែកក្កដា ឆ្នាំ២០១៤ព្រឹកម៉ិញនេះ មិនអាចរកការបំភ្លឺពីលោកសេងវឿតបានទេជុំវិញការចោទប្រកាន់នេះ ប៉ុន្តែលោកលីសុផា បានបញ្ជាក់តាមទូរស័ព្ទថាសិប្បកម្មនៅខេត្តសៀមរាបទាំងអស់មានច្បាប់បីខណ្ឌ ខណះនេះលោក
កំពុងតែរកការចាប់នៅកន្តួតខ្នារក្រៅ។ជាមួយគ្នានេះដែរ នៅតំបន់ស្រែណូយ ក៍មានរោងសិប្បកម្មកែឆ្នៃឈើដោយខុសច្បាប់រាប់រយកន្លែង បានកំពុងតែដំណើការយ៉ាងពេញបន្ទុក។ ក្នុងនោះក៍មានដេប៉ូលក់ឈើមួយកន្លែងនៅភូមិព្រៃខ្នរ ឃុំស្រែណូយ ដែលមានយីហោឈ្មោះដេប៉ូឈើស្រែណូយ ថៅកែឈ្មោះ ឆាយ ហើយដេប៉ូមួយនេះជាទីតាំងនាំឲ្យមានការកាប់បំផ្លាញព្រៃឈើ នៅស្រុកវ៉ារិន និងខេត្តឧត្តរមានជ័យ ព្រះវិហារផងដែរ។
