ខេត្តកំពង់ធំ៖ ឯកឧត្ដមសោម ស៊ុន សមាជិកអចិន្ដ្រៃយ៍គណៈកម្មាធិការបក្សខេត្តកំពង់ធំ ប្រធានក្រុមការងារគណបក្សប្រជាជន ចុះជួយឃុំបន្ទាយស្ទោង រួមជាមួយគណៈកម្មាធិការបក្ស ឃុំសាខាបក្សភូមិទាំង១៥ ភូមិ បានដំណើរការប្រជុំនៅវត្តបន្ទាយស្ទោង ស្រុកស្ទោង ខេត្តកំពង់ធំ នៅព្រឹក ថ្ងៃ អាទិត្យទី ២៤ ខែ ឧសភា ឆ្នាំ ២០២០ ដែលមានសមាជិកចូលរួម ៥៧ នាក់ ។
បន្ទាប់ពី លោកទិញ វឿន អនុប្រធានគណបក្សឃុំបន្ទាយស្ទោង បានរាយការណ៍ ពីសភាពការណ៍ ទូទៅរបស់ឃុំរួចមក លោកប្រធានសាខាបក្សភូមិ និងសមាជិកអង្គប្រជុំ បានឡើងរាយការណ៍ សភាពការណ៍ នៅក្នុងមូលដ្ឋាន ដែលខ្លូនទទួលខុសត្រូវ ។
ឯកឧត្ដម សោម ស៊ុន បានកោតសរសើរចំពោះការខិតខំប្រឹងប្រែង សហការគ្នារវាងក្រុម ការងារថ្នាក់ ខេត្ត ជាមួយសាខាបក្សភូមិគ្រប់ភូមិ ក្នុងការបំពេញភារកិច្ច បម្រើប្រជាជនបានល្អប្រសើរ និងបានប្រគល់ ភារកិច្ច ដែលមានខ្លឹមសារ ទី១/ ពង្រឹងតួរនាទីភារកិច្ចរបស់ក្រុមការងារចុះជួយឃុំភូមិ ថ្នាក់ដឹកនាំគណបក្សឃុំ និងសាខាបក្សភូមិ ក្នុងការបន្តបម្រើប្រជាជន ដោយស្មោះត្រង់និងដោយឥតលក្ខខណ្ឌ ។
២/ ការងារគ្រប់គ្រង សមាជិកបក្សចាស់ និងពង្រីកសមាជិកបក្សថ្មី តាមសន្ទស្សន៍ដែលបានកំណត់ ។៣/បន្ត អប់រំ ប្រជាពលរដ្ឋប្រុងប្រយ័ត្នការពារ ការឆ្លងរីករាលដាលមេរោគកូវីដ ១៩ តាមការណែនាំរបស់ ក្រសួងសុខាភិបាល ។ដោយ ប៊ុនរដ្ឋា
