សៀមរាប៖ ក្លឹបកំសាន្ត(ហៅហ៊ីបហប់)ដែលល្បីជាងគេនៅក្រុងសៀមរាបត្រូវបានព្រះសង្សកូនព្រះសង្សនិងបរិស័ទវត្តដំណាក់ដាក់លិខិតជូនទៅអាជ្ញាធរមានសមត្ថកិច្ច៤លើកនិងអស់រយះពេលជាច្រើនឆ្នាំមកហើយនៅតែពុំមានដំណោះស្រាយជូនទេរហូតមកដល់នេះដែលមហាជនមានការសង្ស័យថាមកពីក្លឹបមួយនេះមានចំណែកភាគហ៊ុនជាមួយកូនចៅហ្វាយខេត្តម្នាក់ទើបមិនមានដំណោះស្រាយជូនដល់វត្ត។
នៅក្នុងលិខិត១ទំពរ័របស់ព្រះសង្សវត្តដំណាក់បានស្នើសុំឲ្យអភិបាលខេត្តសៀមរាបរកដំណោះស្រាយករណី(ក្លឹបហ៊ីបហប់)ដែលមានទីតាំងទល់មុខវត្តដំណាក់ស្ថិតក្នុងសង្កាត់សាលាកំរើកក្រុងសៀមរាបឬរង្វង់មូលវត្តដំណាក់នេះបានធ្វើឲ្យមានការប៉ះពាល់និងរំខានយ៉ាងខ្លាំងដល់ការរស់នៅរបស់ព្រះសង្ស កូនសិស្សព្រះសង្សនិងបរិស័ទជុំវិញផងដែរ។ ជាមួយនិងការដាក់លិខិតជាលើកទី៤នេះភក្ខុខេមនន្ទោឈន់ឈឿនព្រះគ្រូសូត្រស្ដាំបានមានសង្សដីការថាចាប់តាំងពីមាន(ក្លឹបហ៊ីបហប់)បានដំណើការរហូតមកដល់ពេលនេះមានរយះពេលជាង៣ឆ្នាំមកហើយដែលបានបង្ករការលំបាកជាច្រើនដល់ព្រះសង្សគង់ក្នុងវត្តនិងបរិស័ទហើយព្រះសង្សកូនព្រះសង្សនិងបរិស័ទបានដាក់លិខិត៣លើកមកហើយជូនទៅអាជ្ញាធរក្រុងខេត្តហើយលើកនេះជាលើកទីបួនប្រយោជ៍ដើម្បីឲ្យអាជ្ញាធរជួយដោះស្រាយ។
ក្នុងលិខិត១ទំព័រដដែលបានបញ្ជាក់ជំរាបទៅអាជ្ញាធរខេត្តសៀមរាបមាន៤ចំណុចដែលវត្តដំណាក់បានជួបការលំបាក!ទី១.សំលេងខ្លាំងៗ៖សំលេងតួរតន្ត្រីលឺខ្លាំងៗរហូតធ្វើឲ្យកំរើកដល់ដំបូលសាលាឆាន់វត្តនិងខ្ទ័រការ៉ូ។ទី២.ពេលវេលាកំសាន្តៈក្លឹបកំសាន្តនេះចាប់បើកពីម៉ោង៧ឬ៨.០០យប់រហូតដល់ម៉ោង៤ទៀបភ្លឺរៀងរាល់រាត្រីបានរំខានយ៉ាងខ្លាំងដល់ការរស់នៅការសិក្សានិងសំណឹង(ការសឹង)ពេលយប់និងដំណេកពេលយប់របស់ព្រះសង្សនិងកូនសិស្សវត្តក៍ដូចជាអ្នកនៅជុំវិញដែរ។ មនុស្សទូទៅនឿតហត់ពេលថ្ងៃហើយត្រូវការសម្រាកសំរាន្តដោយស្ងប់ស្ងាត់នាពេលរាត្រីតែព្រះសង្សកូនសិស្សវត្តនិងបរិស័ទវត្តដំណាក់ត្រូវបានរំខានទៅវិញ។
ជាញឹកញាប់សំលេងខ្លាំងៗបានធ្វើឲ្យយើងភ្ញាក់ពីដំណេកទាំងអធ្រាតដោយបេះដូងញ័រភ័យតក់ស្លុតយ៉ាងខ្លាំងដោយសារសំរលេងហោកញ្ជៀវនិងតួរតន្ត្រីដោយស្មានថា ចោប្លន់ឬជ័យឃោស សង្គ្រាមជាដើម។ ទី៣.រំខានការសិក្សា៖វត្តដំណាក់បានប្រឹងប្រែងជំរុញឲ្យព្រះសង្សនិងយុវសិស្ស(ក្មេងវត្ត)ខិតខំសិក្សារៀនសូត្រ ពិសេសចាប់ពីម៉ោង៧.០០យប់ដល់ម៉ោង១១.០០យប់តែការរៀនសូត្ររបស់ព្រះសង្សនិងកូនសិស្សមានការរំខានដោយសំលេងតួរតន្ត្រីខ្លាំងៗនិងញាក់អារម្មណ៍។
ទី.៤បញ្ហាសន្តិសុខសណ្ដាប់ធ្នាប់សង្គម៖ក្លឹបក៍បានបង្ករឲ្យមានបញ្ហាច្រើនដូចជាអនាម័យសន្តិសុខនិងសណ្ដាប់ធ្នាប់ជាក់ស្ដែងតែងតែមានបញ្ហាទាស់ទែងគ្នាជាញឹកញាប់និងអាចមានការជំរុញឲ្យមានអំពើហិង្សាការប្រើប្រាស់គ្រឿងញៀននិងការលួចប្លន់ជាដើម,ទាំងអស់នេះជាវប្បធម៌អបាយមុខដែលផ្ទុយពីឪវាទព្រះពុទ្ធសាសនាមិនតែប៉ុណ្ណោះទីតាំងក្លឹបកំសាន្តនេះនៅទល់មុខនិងវត្តជាទីប្រជុំដួងប្រលឹងវប្បធម៌និងសាសនាខ្មែរនេះអាចធ្វើឲ្យកាន់តែធ្ងន់ធ្ងរនិងផ្ទុយពីឆន្ទៈនយោបាយរបស់រាជរដ្ឋាភិបាលក្រោមការដឹកនាំរបស់សម្ដេចទាំងបី។នៅក្នុងការស្នើសុំជួយអន្តរាគមន៍នេះក៍បានបញ្ជាក់ផងដែរថាក្លឹបកំសាន្តនេះមិនគួរឲ្យស្ថិតនៅជិតទីតាំងសំខាន់ៗដូចជាវត្តអារាមមន្ទីរពេទ្យនិងសាលារៀនឡើយ។
ទាក់ទិនទៅរឿង(ក្លឹបហ៊ីបហប់)នេះព្រះសង្សសូត្រស្ដាំបានមានសង្សដីការថាលិខិតដែលបានដាក់ស្នើជូននៅថ្ងៃទី១៩ខែកុម្ភះនេះគឺបានដាក់ជូនទៅសាលាខេត្តសៀមរាបដែលមានលោកអភិបាលរងខេត្តសៀមរាបម៉ៅវុទ្ធីជាអ្នកទទួលនូវលិខិតនោះហើយ។ លោកម៉ៅវុទ្ធីអភិបាលរងខេត្តមិនអាចធ្វើការអត្ថាធិប្បាយជុំវិញព័តមាននេះបានទេដោយទូរស័ព្ទចូលជាច្រើនដងមិនមានអ្នកទទួល។ តាមប្រភពព័ត៌មានពីមន្ត្រីប៉ូលិសម្នាក់បានបង្ហើបថានៅក្នុងក្លីបហ៊ីបហប់នេះមានលួចបង្កប់នូវការជួញដូរប្រើប្រាស់គ្រឿងញៀនយ៉ាងពេញបន្ទុកដែលបានកំពុងពង្វក់ស្មារតីសិសិស្សសាលាទៀតផង។
មន្ត្រីប៉ូលិសដដែលបានបន្តថាថៅកែហ៊ីបហប់មានឈ្មោះស្រ៊ុនហើយក៍ជាសមាជិកនៅក្នុងសហភាពសហព័ន្ទយុវជនកម្ពុជាទើបមានឥទ្ធិពលខ្លាំងក្នុងការបើកអាជីវកម្មពង្វក់សិស្សនិងមានការរំខានដល់វត្តដំណាក់រួមជាមួយបរិស័ទ្ធយ៉ាងធ្ងន់ធ្ងរដូច្នេះ។ ថៅកែក្លីបហ៊ីបហប់ធ្លាប់បានបំភ្លឺតាមទូរស័ព្ទប្រាប់អ្នកកាសែតកាលពីថ្ងៃទី៤ខែមីនាឆ្នាំ២០១៤ម៉ោង២និង៣០នាទីថាករណីដែលព្រះសង្សវត្តដំណាក់បានស្នើឲ្យអាជ្ញាធរដោះស្រាយពាក់ព័ន្ទក្លីបនោះខាងបរិស្ថានបានចុះមកត្រួតពិនិត្យបច្ចេកទេសហើយហើយក៍បានជួបជាមួយព្រះសង្សដើម្បីដោះស្រាយដែរ។
លោកបន្តថាចំណែកឯព័ត៌មានថាក្លីបរបស់លោកមានការជួញដូរប្រើប្រាស់គ្រឿងញៀននិងជក់ស៊ីហ្សានោះមិនមានការពិតទេព្រោះកន្លែងរបស់លោកមានមន្ត្រីប៉ូលិសអន្តរគមន៍មន្ត្រីប៉េអឹមនិងមន្ត្រីប្រឆាំងគ្រឿងញៀនទៀតផង។មិនតែប៉ុណ្ណោះរាល់ភ្ញៀវចូលទៅក្នុងក្លីបគឺបានធ្វើការឆែកឆេទាំងអស់បើថាមាននោះសូមលោកព័ត៌មានចូលទៅក្នុងក្លីបមើលទៅនណាក៍អាចចូលទៅបានដែរចាប់ពីម៉ោងបើកនោះកន្លែងរបស់លោកគឺលក់តែស្រានិងគ្រឿងក្លែមតែប៉ុណ្ណោះមិនខុសពីក្លីបគេផ្សេងនោះឡើយ។
លោកបន្ថែមថាចំណែកឯការងារជាសមាជិកសហភាពសហព័ន្ទយុវជនកម្ពុជានោះមិនជាប់ពាក់ព័ន្ទនិងការងាររកស៊ីរបស់លោកនោះទេវាជាការងារជួយដល់សង្គម។ យ៉ាងណាក៍ដោយបើសិនជាអាជ្ញាធរខេត្តសៀមរាបបានចេញមុខដោះស្រាយជូនព្រះសង្សវត្តដំណាក់ក៍ដូចបរិស័ទជុំវិញក្លឹបហ៊ីបហប់ឲ្យបានសមស្របនោះព្រះសង្សនិងប្រជាពលរដ្ឋនិងមានទំនុកចិត្តជឿជាក់ទៅលើថ្នាក់ដឹកនាំចេះស្គាល់ការលំបាករបស់ពលរដ្ឋនិងព្រះសង្សជាសជាងត្រូវថ្នាំសណ្ដំថៅកែហ៊ីបហប់។
