ខេត្តពោធិ៍សាត់៖ យប់មិញមានករណីគ្រោះថ្នាក់ចរាចរណ៍មួយបានកើតឡើង រវាងអ្នកជិះម៉ូតូ និងម៉ូតូស្របទិសគ្នា បណ្ដាលឲ្យរងរបួសធ្ងន់ទាំងសង់ខាង ។ហេតុការណ៍គ្រោះថ្នាក់ចរាចរណ៍បានកើតឡើង នៅវេលាម៉ោង៧ និង៤០នាទី យប់ថ្ងៃច័ន្ទ ៣រោច ខែជេស្ឋ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី៨ ខែឧសភា ឆ្នាំ២០២០ នៅលើកំណាត់ផ្លូវកៅស៊ូលេខ ៥៣បេ ស្ថិតក្នុងភូមិខ្លាក្រពើ ឃុំអន្លង់ត្នោត ស្រុកក្រគរ ខេត្តពោធិ៍សាត់ ។
នគរបាលផ្នែកសណ្ដាប់ធ្នាប់នៃអធិការដ្ឋានស្រុកប្រាប់ថា ភាគីបង្កជិះម៉ូតូម៉ាក ហុងដាឌ្រីម សេ១២៥ ពណ៏ខ្មៅ ពាក់ស្លាកលេខ 1G 4005 បើកបរដោយឈ្មោះ សឿង វិសាល ភេទប្រុស អាយុ ២៤ឆ្នាំ ជនជាតិខ្មែរ បច្ចុប្បន្ន រស់នៅភូមិកំរ៉ែង ឃុំស្វាយស ស្រុកក្រគរ ធ្វើដំណើរក្នុងទិសដៅពីត្បូងឆ្ពោះទៅទិសខាងជើង លុះដល់កន្លែងកើតហេតុបានអ្នកបើកម៉ូតូបំរុងបត់ឆ្វេងឆ្លងថ្នល់ បណ្ដាលឲ្យដួលសន្លប់សន្លប់ស្ដូកស្ដឹងរដូករណែល(ធ្ងន់)ទាំងសងខាង ។
ប្រភពព័ត៌មានដដែលបន្តទៀតថា ជនរងរបួសជិះម៉ូតូបំរុងបត់ម៉ាក ហុងដាវ៉េវ ពណ៏ខៀវ ពាក់ស្លាកលេខ ពោធិសាត់ 1D 1821 ឈ្មោះ ផេង ផុន ភេទប្រុស អាយុ ៣២ឆ្នាំ ជនជាតិខ្មែរ បច្ចុប្បន្ន រស់នៅភូមិ.ឃុំកើតហេតុ ជនរងរបួសទាំង ២នាក់បញ្ជូនទៅព្យាបាល ចំណែកវត្ថុតាងម៉ូតូទាំង ២គ្រឿង រក្សាទុកជាបណ្ដោះអាសន្ន នៅអធិការដ្ឋាននគរបាលស្រុកក្រគរ រងចាំបន្តនីតិវិធី ៕
