ខេត្តពោធិ៍សាត់៖ បុរសម្នាក់បានស្លាប់បាត់បង់ជីវិតនៅនឹងកន្លែង ក្នុងករណីគ្រោះថ្នាក់ចរាចរណ៍ បុកជាមួយអ្នកបើកបររថយន្តមិនស្គាល់ម៉ាក ខណៈកំពុងធ្វើដំណើរច្រាស់ទិសគ្នា ។
ក្នុងករណីគ្រោះថ្នាក់ចរាចរណ៍បណ្ដាលឲ្យបុរសម្នាក់ស្លាប់ភ្លាមៗខាងលើ បានកើតឡើងនៅវេលាម៉ោង៧ និង១០នាទី យប់ថ្ងៃទី៥ ខែកក្កដា ឆ្នាំ២០២០ នៅលើកំណាត់ផ្លូវកៅស៊ូត្រង់ម្ដុំសាងម៉ាង ស្ថិតនៅភូមិ.ឃុំផ្ទះរុង ស្រុកតាលោសែនជ័យ ខេត្តពោធិ៍សាត់ ។
មុនកើតហេតុគេឃើញឈ្មោះ អ៊ុ អាន ភេទប្រុស អាយុ ២៨ឆ្នាំ ជនជាតិខ្មែរ បច្ចុប្បន្ន រស់នៅភូមិសំរោងទី២ ឃុំសំរោង ស្រុកភ្នំក្រវាញ ខេត្តពោធិ៍សាត់ ធ្វើដំណើរដោយម៉ូតូ ១គ្រឿងម៉ាក វ៉េវអាល់ហ្វា ពណ៏ខ្មៅ គ្មានស្លាកលេខ ក្នុងទិសដៅពីកើតឆ្ពោះទៅទិសខាងលិច លុះមកដល់កន្លែងកើតហេតុបានបុកជាមួយ រថយន្តធុនតូច ១គ្រឿង បណ្ដាលឲ្យបុើងទាំងមនុស្សទាំងម៉ូតូចូលសែ្រស្លាប់ភ្លាមៗ រថយន្តបង្កទំនងឃើញសភាពការណ៍មិល្អ បន្ថែមល្បឿនឆ្ពោះទៅទិសខាងលិចបាត់ស្រម៉ោល ។
ករណីខាងងលើ សមត្ថកិច្ចមូលដ្ឋាន និងជំនាញចរាចរណ៍ផ្លូវគោក សហការចុះពិនិត្យ និងស្រាវជ្រាវ ដើម្បីធ្វើកំណត់ប្រគល់ទទួលសព ជូនក្រុមគ្រួសារសាច់ញាតិ ដើម្បីយកទៅចាត់ចែងធ្វើបុណ្យតាមប្រពៃណី នេះបើយោងតាមការបញ្ជាក់ពីផ្នែកសណ្ដាប់ធ្នាប់នៃអធិការដ្ឋាននគរបាលស្រុកតាលោសែនជ័យ ៕
