ខេត្តបាត់ដំបង៖ កម្លាំងផ្នែកប្រឆាំងគ្រឿង សហការជាមួយកម្លាំងផ្នែកព្រហ្មទណ្ឌ នៃអធិការដ្ឋាននគរបាលស្រុកសង្កែ បានចុះប្រតិបត្តិការល្បាត និងបង្ក្រាបបានករណីរក្សាទុកដោយខុសច្បាប់នូវសារធាតុញៀន១ករណី ក្នុងបទល្មើសជាក់ស្តែង។
លោកអនុសេនីយ៍ឯក សំ ប៊ុនហេង នាយផ្នែកប្រឆាំងគ្រឿងញៀនស្រុក បានអោយដឹងថា កិច្ចប្រតិបត្តិការខាងនេះដែរ ធ្វើឡើងកាលពីវេលាម៉ោង ១៥និង០០នាទី ថ្ងៃទី០៦ ខែកក្កដាឆ្នាំ២០២០ នៅចំនុចក្រុមទី១២ ភូមិសំបុកអក ឃុំកំពង់ព្រៀង ស្រុកសង្កែ ខេត្តបាត់ដំបង។
ដែលក្នុងនោះសមត្ថកិច្ចជំនាញបានធ្វើការឃាត់ខ្លួនជនសង្ស័យចំនួន០១នាក់ ឈ្មោះ សេង គឹមសុង ភេទប្រុស អាយុ ៤១ឆ្នាំ រស់នៅភូមិសំបុកអក ឃុំកំពង់ព្រៀង ស្រុកសង្កែ ខេត្តបាត់ដំបង ។
ជាមួយនឹងវត្ថុតាងចាប់យកបានរួមមាន ម្សៅក្រាមពណ៌សថ្លាច្រកក្នុងថង់ប្លាស្ទិកថ្លាចំនួន១៤ ថង់ ទម្ងន់ ៣,១៧ ក្រាមទាំងសំបក -ទូរស័ព្ទដៃចំនួន០២គ្រឿង និងសម្ភារះប្រើប្រាស់សម្រាប់ច្រកថ្នាំញៀនលក់មួយចំនួនទៀត។
ជនសង្ស័យរួមជាមួយវត្ថុតាងត្រូវបានសមត្ថកិច្ចកសាងសំណុំរឿងនិងបញ្ជូនបន្តទៅកាន់ការិយាល័យជំនាញដើម្បីចាត់ការតាមនីតិវិធី។
