លោក Joko Widodo ជាប្រធានាធិបតីតំបូងគេបង្អស់របស់ឥណ្ឌូនេស៊ីមិនកើតចេញពីត្រកូលអភិជនឬក៏មានទំនាក់ទំនងដោយផ្ទាល់ជាមួយយោធានោះឡើយ។
គណៈកម្មការរៀបចំការបោះឆ្នោតជាតិឥណ្ឌូនេស៊ីកាលពីយបថ្ងៃទី២២ខែកក្កដាបានប្រកាស់លទ្ថផលបោះឆ្នោតជាផ្លូវការក្រោយរយៈពេលជា២សប្តាហ៍រាប់សន្លឹកឆ្នោតបង្ហាញឲ្យឃើញថាជ័យជំនៈបានទៅលើអតីតអភិបាលក្រុងចាការតាលោកJoko Widodo ដោយមានសម្លេងគាំទ្ររហូតដល់ទៅ53,15 ភាគរយ នាំមុខគូប្រជេងគឺលោកPrabowo Subianto អតីតមេទ័ពទទួលបានសម្លេងគាំទ្រតែ46,85% ប៉ុណ្ណោះ។ ជាមួយនិងជ័យជំនៈនេះលោកវីដូដូនឹងស្បថចូលកាន់ដំណែងនៅខែតុលា២០១៤នេះក្នុងអាណាត្តិ៥ឆ្នាំ។
លោកវីដូដូ កើតនៅឆ្នាំ១៩៦១ ក្នុងគ្រួសារក្រីក្រ រស់នៅក្នុងតំបន់អាណាធិបតេយ្យតាមបណ្តោយ ព្រេកនៅកោះជ្វា។ ក្រោយពេលខិតខំរៀនស៊ូតរហូតដល់បញ្ចប់មហាវិទ្យាល័យវិស្វ័កករនៅឯសកលវិទ្យាល័យ Gadjah mada នាឆ្នាំ១៩៩៥។ លោកវីដូដូទទួលបានជោគជ័យយ៉ាងខ្លាំងក្នុងវិស័យលកដុំនិងរាយនៅសម្ភារធ្វើពីឈរទាំងក្នុងនិងក្រៅប្រទេស។
លោកត្រូវបានគេស្គាល់នៅទូទាំងប្រទេសពេលដែលជាប់ឆ្នោតជាអភិបាលក្រុងចាការតានាឆ្នាំ២០១២ បន្ទាប់ពីលោកធ្លាប់កាន់ដំណែងជាអភិបាលខ័ណ្ឌ ស៊ូឡូ ក្នុងក្រុងចាការតា។ ក្រោយ ឡើងកាន់តំណែងជាអភិបាលក្រុងចាការតាលោកទទួលបានការគាំទ្រយ៉ាងខ្លាំងពីប្រជាពលរដ្ឋ ដែលមានស្នាដៃកែទម្រងទីក្រុងប្រកបដោយជោគជ័យ ។
លោក ជូគូ វីដូដូ ជាអ្នកនយោបាយត្រូវបានគេវាយតម្លៃថា មានភាពស្អាតស្អំនិងសាមញ្ញបំផុត ។ ជាមួយនិងជ័យជំនះក្នុងការបោះឆ្នោតប្រធានាធិបតីកន្លងមកនេះ គេសង្ឃឹមថា លោកនិងជួយដល់ ឥណ្ឌូនេស៊ីក្លាយទៅជាប្រទេសដែលមានសេដ្ឋកិច្ចធំបំផុតក្នុងតំបន់អាស៊ីភាគអាគ្នេយ៍ និងឈរលំដាប់ទី៥នៅតំបន់អាស៊ីទាំងមូល។ កាលពីដើមឆ្នាំ២០១៤លោកវីដូដូត្រូវបានទស្សនាវដ្តី Fortune របស់អាមេរិកវាតម្លៃថា ជាមេដឹកនាំមួយរូបក្នុងចំណោម៥០រូបលំដាប់ពិភពោក។
ការដែលលោកវីដូដូទទួលបានការគាំទ្រយ៉ាងខ្លាំងពីប្រជាពលរដ្ឋដោយសារតែលោកមិនកើតចេញពីត្រកូលអភិជនឬក៏មានទំនាក់ទំនងជិស្និតជាមួយយោធា លោកជាបុគ្គលមានការតស៊ូពីបាតដៃទទេរហូតដល់ជោគជ័យក្នុងឆាកជីវិត ដូច្នេះលោកក៏នឹងដឹកនាំប្រទេសបានយ៉ាងល្អ។ នៅពេលដែលសម្លឹងមើមុខមាត់រូបរាងរបស់លោកអ្នកណាក៏អាចវាយតម្លៃដឹងថា មកពីគ្រួរសារគ្រីក្រពិតប្រាកដ។ មួយវិញទៀតលោកមិនដែលប្រកាន់វណ្ណនោះឡើយ តែងតែមានសកម្មភាពជិតស្និតនិងប្រជាពលរដ្ឋស្គាល់សុខទុក និងដឹងច្បាស់នៅអ្វីដែលពលរដ្ឋចងបាន។
អំពីសេដ្ឋកិច្ចផ្ទៃក្នុង លោកវីដូដូបានសន្យាថាលោកនិងបង្កើតប្រសិទ្ធិភាពនៃការផលិតក្នុងស្រុក តាមរយៈការគាំទ្រដល់ក្រុមហ៊ុនតូចនិងល្មម ព្រមទាំងកែប្រែប្រព័ន្ធហិរញ្ញវត្ថុ។ គោលនយោបាយរបស់លោកគឺផ្ទុយស្រឡះពីគូប្រជេង Prabowo subianto ។ អំពីកិច្ចការបរទេសលោកវីដូដូ ចងបង្កើនទំនាក់ទំនងតាមរយៈកិច្ចការបរទេសជាមួយប្រទេសជិតខាង។ លោកបញ្ចាក់ថា ការប្រើប្រាស់កម្លាំងយោធាជាវិធីសាស្ត្រចុងក្រោយបំផុតក្នុងការដោះស្រាយអំពើហឹង្សា។
កាលពីថ្ងៃទី២២ខែកក្កដាមុនពេលប្រកាស់លទ្ធផលបោះឆ្នោត លោកវីដូដូបានប្រកាស់ថា ប្រសិនបើលោកជាប់ឆ្នោតនោះលោកនិងអនុវត្តិគោលនយោបាយថយក្រោយមួយជំហានក្នុងការដោះស្រាយវិបត្តិនៅដែនសមុទ្រចិនភាគខាងត្បូង។ លោកបន្តទៀតថា ឥណ្ឌូនេស៊ីនិងលូកដៃចូលជ្រៅប្រសិនបើមានតួនាទីជួយដោះស្រាយវិវាទតាមរយៈកិច្ចការបរទេស៕
