ខេត្តបាត់ដំបង៖នៅព្រឹកថ្ងៃ អង្គារ ២រោចខែ អាសាឍ ឆ្នាំជូតទោស័ក ព.ស.២៥៦៤ត្រូវនឹងថ្ងៃទី ៧ខែ កក្កដា ឆ្នាំ២០២០ អនុវត្តតាមមតិដឹកនាំរបស់ឯកឧត្តម ឧត្តមសេនីយ៍ទោ អ៊ុច សុខុន ស្នងការនៃស្នងការដ្ឋាននគរបាលខេត្តបាត់ដំបង លោកវរសេនីយ៍ទោ លឹម ពុទ្ធីឡាស្នងការរងផែនការងារនគរបាលព្រហ្មទណ្ឌទទួលដឹកនាំការងារនៅអធិការដ្ឋាននគរបាលស្រកបវេលបានជម្រុញដល់លោកវរសេនីយ៍ទោ សុខ សារិន អធិការនគរបាលស្រុកបវេល បានដឹកនាំកម្លាំងក្នុងអង្គភាពចូលរួមជាមួយអាជ្ញាធរមូលដ្ឋាន ស្រុក ឃុំ ភូមិចុះជួយជួសជុលលំនៅដ្ឋានរបស់ប្រជាពលរដ្ឋដែលរងគ្រោះដោយករណីខ្យល់កន្រ្តាក់ដែលបានបង្កឱ្យរលំខូចខាតលំនៅដ្ឋានរបស់ប្រជាពលរដ្ឋនៅក្នុងឃុំក្តុលតាហែន ស្រុកបវេលចំនួន៥២ខ្នងកាលពីល្ងាចថ្ងៃទី៦ ខែ កក្កដា ឆ្នាំ២០២០ម្សិលមិញ។
សូមជម្រាបជូនថា៖ កាលពីល្ងាចថ្ងៃទី៦ខែ កក្កដា ឆ្នាំ២០២០ នៅក្នុងភូមិសាស្រ្តស្រុកបវេលមានភ្លៀងធ្លាក់និងលាយឡំដោយខ្យល់កន្រ្តាក់ព្រមទាំងរន្ទះផងបានបោកបក់លេីលំនីដ្ឋានរបស់ប្រជាពលរដ្ឋនៅស្រុកបវេលនិងស្រុកមួយចំនួនទៀត ដែលក្នុងនោះបោកបក់ខ្លាំងនៅឃុំក្តុលតាហែន រហូតបណ្តាលឱ្យខូចខាតលំនៅដ្ឋានពលរដ្ឋសរុបចំនួន៥២ខ្នងផ្ទះ ហេីតខូចខាតធ្ងន់ធ្ងរចំនួន០៤ខ្នង ព្រមទាំងស្លាប់សត្វគោចំនួន០២ក្បាលដោយសាររន្ទះបាញ់ផងដែរ៕
