ខេត្តកំពង់ធំ៖ ខណៈពេលដែលទូទាំង ខេត្តក្រុងបានបើកយុទ្ធនាការបង្ក្រាបបនល្បែងស៊ីសងគ្រប់ប្រភេទ ដើម្បីធានាបានក្នុងការអនុវត្តន៍ ភូមិឃុំមានសុវត្តិភាព ទាំង៩ចំនុច តែបែរជាស្នងការខេត្តកំពង់ធំ ឡើងថ្មីមិនទាន់ហ៊ានកំរើក បណ្តែតបណ្តោយ ឲ្យមានការលក់កន្ទុយលេខដូចផ្សាត្រី ដោយពុំមានសកម្មភាពបង្ក្រាបល្បែងស៊ីសង នាំគ្នាសង្ងំលាក់ខ្លួនដូចសត្វពង្រូល។ 
ល្បែងស៊ីសងលក់កន្ទុយលេខ ជាច្រើនកន្លែង ត្រូវបានគេឃើញមានការលក់ដូចផ្សារត្រី ដោយគ្មានខ្លាចក្រែង ពីសំណាក់ច្បាប់នោះទេ ដោយសារតែគេសង្ស័យថា ការលក់កន្ទុយលេខនេះ មានការឃុបឃិតពីមន្ត្រីប៉ុស្តិ៍រដ្ឋបាល ឃុំបល្ល័ង្គ ដែលកំពុងលូកដៃជ្រៅប្រព្រឹត្តអំពើពុករលួយ ប្រឆាំងនឹងគោលនយោបាយរបស់ រាជរដ្ឋាភិបាល យកអនុសាសន៍ដ័ថ្លៃថ្លារបស់ សម្តេចនាយករដ្ឋមន្ត្រីនៃព្រះរាជាណាចក្រកម្ពុជា ជាន់ឈ្លីចោល ដោយមិនគិតពីអសន្តិសុខរបស់ប្រជាពលរដ្ឋ។ 
មិនតែប៉ុណ្ណោះ លោក នុត វណ្ណី អតីតមេប៉ុស្តិ៍កំពង់ថ្ម ឥឡូវផ្លាស់ទៅទទួលផែនសន្តិសុខនៃអធិការស្រុកបារាយ៍ មិនត្រឹមតែមិនអនុវត្តន៍គោលនយោបាយភូមិឃុំ មានសុវត្តិភាព បែរជាឲ្យ ប្រពន្ឋជាមេកន្ទុយលេខដ៏ធំនៅក្នុងភូមិ តាត្រាវ ឃុំបល្ល័ង្គ ស្រុកបារាយណ៍ ខេត្តកំពង់ធំ ដូច្នេះតើប្រជាពលរដ្ឋអាចជឿបានទេ បើមន្ត្រីប៉ូលិសគ្រប់ គ្រងតែប្រពន្ឋខ្លួនឯងមិនបានផងនោះ មានមុខឯណាទៅគ្រប់គ្រងប្រជាពលរដ្ឋ ។
តាមការឲ្យដឹងពីលោក នុត វណ្ណី មន្ត្រីប៉ូលិសនៃអធិការដ្ឋាននគរបាល ស្រុកបារាយណ៍ បាននិយាយថា ប្រពន្ឋលោកបានលក់កន្ទុយលេខពិត មែន ហើយលក់មកជាយូរណាស់មកហើយ តែខ្ញុំបានឲ្យគេឈប់ដែរ តែគេមិនឈប់ឡើយ ។ លោកហេង ឈុនហ៊ី មេប៉ុស្តិ៍ថ្មី បានឲ្យដឹងថា កន្លងមកល្បែងស៊ីសង ធ្លាប់បានហៅមកព្រមាន និងធ្វើកិច្ចសន្យាម្តងមក ហើយ តែវាពិបាកខ្លាំងណាស់ ក្នុងការទប់ស្កាត់ល្បែងចាក់កន្ទុយលេខ ដោយសារតែនៅពេលដែលឃើញសមត្ថកិច្ច ប៉ូលិស មេកន្ទុយលេខយកសៀវភៅលាក់ទុកក្នុងកាបូបបាត់ ចំណែកពត៌មានថា មន្ត្រីប៉ុស្តិ៍ មានការឃុបឃិតគ្នាជាមួយកន្ទុយលេខនោះ លោកមិនដឹងទេ ។ 
ពត៌មានជាក់លាក់បានបញ្ជាក់ថា ឈ្មោះមេឆ្នោតនៅក្នុងផ្សាកំពង់ថ្ម និងកំពុងធ្វើសកម្មភាពលក់ចាញ់ឈ្នះដើមទុនក្នុងមួយម្ចាស់ ជាង១០ម៉ឺដុល្លាក្នុងមួយថ្ងៃ មានឈ្មោះ ឆាយ គឹម ភេទស្រី ផ្ទះអេង កា នៅផ្សារកំពង់ថ្ម លោកគុណ ប្រពន្ឋឈ្មោះតឿ ផ្ទះអ្នកស្រី ចន្ថា ប្តីឈ្មោះ នី មន្ត្រីប៉ូលិស លោក ផល ប្រពន្ឋឈ្មោះ ស៊ី្រ និងផ្ទះមួយកន្លែងទៀតនៅផ្លូវវាងថ្មី ស្ថិតនៅភូមិទួលសង្កែរ ឃុំ កំពង់ថ្ម ស្រុកសន្ទុក ខេត្តកំពង់ធំ បនល្បែងទាំងនេះ ពុំត្រូវបានអធិការដ្ឋានគរ បាលស្រុកបារាយណ៍ យកភ្នែកមើលនោះទេ តែតាមប្រភពពត៌មាន មានឲ្យដឹងថា មេឆ្នោតទាំងនេះបានបង់លុយឲ្យលោក អធិការស្រុក មេប៉ុស្តិ៍ មេឃុំ និងអភិបាលស្រុកបារាយណ៍ តាមឋានៈអស់ ហើយ ទើបបានជាហ៊ានលក់យ៉ាងអានាធិបតេយ្យ។
ប្រជាពលរដ្ឋ បានសំណូមពរលោក ជូ សំអាន ស្នងការដែលទើបតែអង្គុយកៅអ៊ីស្នងការថ្មីៗ ល្មមបញ្ជេញស្នារដៃខ្លះហើយ ព្រោះតាំងពីឡើងតំណែងមក ស្ងាត់ដូចចោរលួចសេះ ពុំមានសកម្មភាពអ្វីសូម្បីតែបន្តិច សោះឡើយ ព្រោះល្បែងស៊ីសងនោះនឹងចុងច្រមុះ របស់លក់រាល់ថ្ងៃមើលអត់ឃើញទេ ។ 
