កំពង់ឆ្នាំង:នៅព្រឹកថ្ងៃទី 13 ខែកក្កដាឆ្នាំ 2020 វេលាម៉ោង 8:00 10 នាទីគោយន្តកែឆ្នៃមួយគ្រឿងបានបុកគោងាប់អស់ចំនួន8ក្បាលខណៈដែលម្ចាស់គោលែងឲ្យស៊ីស្មៅនៅតាមផ្លូវសាធារណៈ ។
ហេតុការណ៍ខាងលើនេះបានកើតឡើងនៅលើផ្លូវក្រាលគ្រួសក្រហមលេខ51Cតភ្ជាប់ពីខេត្តកំពង់ធំមកស្រុកកំពង់លែងត្រង់ ចំណុចអូធំ ស្ថិតក្នុងភូមិ សាស្រ្ដ ភូមិកង្កែប ឃុំ ច្រណូក ស្រុកកំពង់លែង ខេត្តកំពង់ឆ្នាំង ។បើយោងតាមការបញ្ជាក់ពីលោកវរសេនីយ៍ឯកប៉ាល់ ជឿនអធិការនគរបាលស្រុកកំពង់លែង បានឲ្យដឹងតាមរយៈទូរស័ព្ទនៅវេលាម៉ោង 1 និង 44នាទីថ្ងៃទី13 កក្កដា នេះថាពិតជាកើតមានករណីគ្រោះថ្នាក់ចរាចរណ៍មួយកើតទ្បើងបណ្តាលមកគោយន្ដកែឆ្នៃ 01 គ្រឿង គ្មានស្លាកលេខ បើកបរខុសទិសដៅពីខេត្តកំពង់ធំមកស្រុកកំពង់លែងខណៈដែលអ្នកបើកបរគោយន្តកែច្នៃបានបើកគេចជង្ហុកហើយក៏ជ្រុលទៅបុកគោទាំង8ក្បាលងាប់ទាំងអស់ដែលម្ចាស់បានលែងឲ្យស៊ីស្មៅពាសពេញតាមផ្លូវសាធារណៈបណ្ដាលឱ្យងាប់រណូកប្រណែលពេញផ្លូវតែម្ដង ។
លោកអធិការនគរបាលស្រុកកំពង់លែងបានឲ្យដឹងទៀតថាក្រោយពេលកើតហេតុអ្នកបើកបរបានចុះរត់គេចខ្លួនបាត់ខណះដែលគេមិនស្គាល់អត្តសញ្ញាណដោយទុកគោយន្តកែច្នៃនៅនិងកន្លែងកើតហេតុ ។
ក្នុងហេតុការណ៍ខាងលើដែលបង្កការគ្រោះថ្នាក់និងខូចខាតយានយន្ដកែឆ្នៃ 01 គ្រឿងស្រាល និងងាប់សត្វគោចំនួន 08 ក្បាល ញីចំនួន 05 ក្បាលផងដែរ។
ក្រោយពេលកើតហេតុគោយន្តកែច្នៃខាងលើត្រូវកម្លាំងសមត្ថកិច្ចនគរបាលស្រុកបានយកមករក្សាទុកនៅអធិការដ្ឋាននគរបាលដើម្បីកសាងសំណុំរឿងចាត់ការតាមនីតិវិធីផងដែរ ។
