(កំពង់ធំ)៖ អាណោចអាធ័មណាស់!បុរសម្នាក់បានស្លាប់បាត់បង់ជីវិតភ្លាមនៅនឹងកន្លែងកើតខណៈដែលជនរងគ្រោះកំពុងជិះម៉ូតូទៅច្រូតស្មៅគោពេលមេឃកំពុងតែភ្លៀងរលឹម។ ឧបទ្ទវហេតុនេះកើតឡើងកាលពីវេលាម៉ោង ១៦ និង ០៥នាទីថ្ងៃទី ១៣ ខែកក្កដា ឆ្នាំ ២០២០ នៅចំណុចស្រែ ប្រាំងភូមិក្រយា ឃុំក្រយា ស្រុកសន្ទុក ខេត្តកំពង់ធំ។
សពឈ្មោះ ប៊ុន ហាក់ ភេទប្រុស អាយុ ៤៥ឆ្នាំ ជនជាតិខ្មែរ មុខរបរកសិករ មានទីលំនៅភូមិក្រយា ឃុំក្រយា ស្រុកសន្ទុកខេត្តកំពង់ធំ។
សភាពនៃរឿង: នៅពេលមេឃកំពុងមានភ្លៀងរលឹម ជនរង គ្រោះបានជិះម៉ូតូទៅច្រូតស្មៅគោនៅតំបន់កើតហេតុខាងលើ។ ពេលកំពុងតែជិះម៉ូតូ ត្រូវបានរន្ទះបាញ់ស្លាប់តែម្ដងនៅតាមផ្លូវ។
ទទួលបានព័ត៌មានភ្លាមសមត្ថកិច្ចជំនាញស្រុក និងប៉ុស្តិ៍រដ្ឋបាល បានចុះទៅពិនិត្យសាកសពនៅទីកន្លែងកើតហេតុ តាមការពិនិត្យ ពុំមានឃើញស្លាកស្នាមអ្វីគួរឲ្យកត់សម្គាល់ឡើយ, ហើយបានធ្វើការសន្និដ្ឋានថា៖ ជនរងគ្រោះស្លាប់ដោយសារគ្រោះធម្មជាតិ(រន្ទះបាញ់)។
មូលហេតុ: ជិះម៉ូតូ ទៅច្រូតស្មៅ ពេលមេឃកំពុងតែភ្លៀង រលឹម រន្ទះបាញ់ស្លាប់ភ្លាមៗតែម្តង។
ក្រោយពីបានពិនិត្យចប់សព្វគ្រប់រួចហើយសមត្ថកិច្ចជំនាញយើងបានធ្វើកំណត់ហេតុប្រគល់សាកសពជនរងគ្រោះ ជូនទៅឲ្យក្រុមគ្រួសារសពយកទៅធ្វើបុណ្យតាមប្រពៃណី៕
