សៀមរាបៈ បើតាមសេចក្តីរាយការណ៍ បានឱ្យ ដឹងថា មានទីតាំងជួញដូរផ្លូវភេទជ្រកក្រោម ស្លាកឃយីហោ(ម៉ាស្សា) កំពុងបើកដំនើរការយ៉ាងរលូននៅតាមបណ្ដោយផ្លូវ ៣០ម៉ែត្រជាយូរ ឆ្នាំមកហើយដោយពុំឃើញមានសមត្ថកិច្ចជំនាញគិតគូរពីបញ្ហាអស់ទាំងហ្នឹងនោះទេ។ សេចក្ដីរាយការណ៍បានឲ្យដឹងទៀតថា គេឃើញយូរៗម្តង មានសមត្ថកិច្ចចុះបង្ក្រាប បានតែមួយកន្លែងដើម្បីបង្ហាញ ពីស្នាដៃដល់ថ្នាក់លើ ។ ចំណែក ទីតាំងជាច្រើនកន្លែងទៀត មិនត្រូវ បានបង្ក្រាបនោះទេ ដែលប្រការ ទាំងនេះធ្វើឱ្យ មជ្ឍដ្ឋាននានា មានការ ងឿយ ឆ្ងល់ អំពីចំណាត់ការ
របស់សមត្ថកិច្ចមួយចំនួន នៅក្នុងខេត្តសៀមរាបផងដែរ។ ទាក់ទិនទៅនឹងការលើកឡើងខាងលើនេះមាន ស្ត្រី ជា ម្ចាស់ ហាងម៉ាស្សាម្នាក់ បានបង្ហើប ថាពីថ្នាក់ក្រោមរហូតដល់ថ្នាក់លើ ពួកគាត់បានបង់លុយប្រចាំខែយ៉ាង សន្ធឹក សន្ធាប់ជូនដល់សមត្ថកិច្ចមួយចំនួនរួចរាល់ហើយ ទើបពួកគាត់បើកដោយពុំមានការព្រួយ បារម្ភសោះឡើយ។ ថៅកែហាងនោះបានបន្តទៀតថា ការបើកម៉ាស្សាពិសេសនោះគឺម្នាក់ៗចំណាយចាប់ពី ៥ដុល្លា រហូតដល់១០ដុល្លា ក្នុងរយៈពេល១០នាទីប៉ុណ្ណោះហើយសព្វថ្ងៃនេះកូនចៅរបស់គាត់ មានជួនកាល១០នាក់ជួនកាលទៅដល់១៥នាក់ដោយជួលក្នុង១បន្ទប់មានគ្នា៣នាក់ សម្រាប់ ផ្តល់សេវា ដល់ភ្ញៀវ ដែលគាត់មករកផ្កាពេលរាត្រី ។ 
ការបើកបំរើផ្លូវភេទជ្រកក្រោមស្លាកយីហោម៉ាស្សានៅក្នុងបេះដូងក្រុងសៀមរាបនេះដែរគេនៅពុំទាន់ឃើញមានសមត្ថកិច្ចណាម្នាក់ហ៊ានចេញមុខបង្ក្រាបឱ្យដូចភ្លៀងរលឹម នោះទេ ឃើញការបង្ក្រាបដោយគោះទឹកបង្អើលត្រីឱ្យចូលស៊ងតែប៉ុណ្ណោះ។ ជុំវិញការលើកឡើងខាងលើនេះដែរលោកស្រី វីរសេនីយ៍ទោ ដូង ថាវរី នាយ ការិយាល័យប្រឆាំងការជូញដូរមនុស្សនិងការពារអនីតិជននៃស្នងការដ្ឋានខេត្តសៀមរាប មិនអាចសុំការបំភ្លឺបានទេនៅរសៀលថ្ងៃទី២៤កក្កដានេះ៕
