រាជធានីភ្នំពេញ ៖ បុរសប្រកបរបររើសអេតចាយម្នាក់ត្រូវបានគេប្រទះឃើញដេកស្លាប់ កាលពីវេលាម៉ោង១២ និង៥០នាទី រំលងអាធ្រាត្រឈានចូល ថ្ងៃទី ២៥ កក្កដា ២០១៤ នៅចំណុចផ្លូវ១៦០ ស្ថិតក្នុងសង្កាត់ស្រះចកខណ្ឌដូនពេញ ។
បុរសខាងលើមានឈ្មោះ សុ រ៉ាវី អាយុ២៧ឆ្នាំ រស់នៅកន្លែងកើតហេតុខាងលើ ។ បើតាមប្រភពពីប្រជាពលរដ្ឋនៅទីនោះបានឱ្យដឹងថា បុរសខាងលើមានអាការឈឺពីរបីថ្ងៃមក ហើយនិងមិនឃើញចេញរើសអេតចាយពីរបីថ្ងៃមកហើយដែរ ទើបតែថ្ងៃនេះក៏ប្រទះឃើញស្លាប់តែម្តង ។
