ប៉េកាំង៖ យ៉ាងហោចណាស់មានមនុស្សចំនួន៤៨នាក់បានស្លាប់ និង១០នាក់ទទួលរងរបួស កាលពីល្ងាចថ្ងៃពុធនេះ ដោយជើងហោះហើររបស់ក្រុមហ៊ុន អាកាសចរណ៍ GE 222, បន្ទាប់ពីការចុះចត បន្ទាន់មួយ ត្រូវបានបរាជ័យ នៅកោះប៉េងហ៊ុយ Penghu។ នេះបើតាមប្រភពព័ត៌មាន ពីអាកាសចរណ៍ TransAsia Airways បាននិយាយនៅក្នុងសេចក្ដី ថ្លែងការណ៍មួយហើយត្រូវបានវេបសាយបរទេសផ្សាយកាលពីថ្ងៃ ព្រហស្បតិ៍។ វេបសាយបរទេសចិនផ្សាយថ្ងៃទី២៤ ខែកក្កដា ឆ្នាំ២០១៤ នេះឲ្យដឹងថា ជើងហោះ ហើរមួយនេះ អ្នកដំណើរ ចំនួន ៥៨នាក់ ភាគច្រើននៃអ្នកដំណើរទាំងនោះគឺ ជាជនជាតិតៃវ៉ាន់ និង ពីរនាក់មកពីបារាំង ហើយគ្មាននរណាម្នាក់មកពីចិនដីគោកនោះទេ។
ប្រអប់ខ្មៅមួយត្រូវបានរកឃើញ និងមន្ត្រីអាជ្ញាធរកំពុងដាក់ការស៊ើបអង្កេត និងតាមដាន ពីករណីដែលបណ្ដាលឲ្យកើតមាន គ្រោះថ្នាក់នេះ។ នៅក្នុងថ្ងៃដដែលនោះ នៅតៃវ៉ាន់ក៏មាន ព្យុះទីហ្វុង ផងដែរ ហើយ គ្រប់គ្នានិយាយថា អាកាសធាតុនេះប្រហែលជា ការបង្កហេតុ ដល់ការធ្លាក់យន្ដហោះខាងលើនេះ តាមប្រព័ន្ធផ្សព្វផ្សាយរបស់ចិន បញ្ចាក់ថា យន្តហោះនោះជួបហេតុការអាក្រក់ត្រូវចុះចតជាបន្ទាន់នៅតំបន់ ប្រជុំជន។ ក្នុងអំឡុងពេលចុះចតបន្ទាន់ ក៏មានអគ្គិភ័យឆាបឆេះនៅលើយន្តហោះទៅហើយ។ 
ដំបូង សារព័ត៌មានចិនបានដកស្រង់ប្រភពព័ត៌មានពីមន្ទីរគ្រប់គ្រងហោះហើរ តៃវ៉ាន់ឲ្យដឹងថា នៅពេលនេះមានអ្នកស្លាប់ម្នាក់១១នាក់រងរបួស និង៤៦អ្នកបាត់ខ្លូន។ បន្ទាប់មកទើបមន្ត្រីតៃវ៉ាន់បញ្ចាក់ថា មានអ្នកស្លាប់៤៨នាក់ក្នុងហេតុការណ៍គ្រោះថ្នាក់ខាងលើនេះ។ អ្នកដំណើរសរុបនៅលើយន្តហោះមាន៥៨នាក់ទាំងអាកាសយានិក៕
