អាល់ហ្សេៈ អ្នកទទួលខុសត្រូវក្រុមហ៊ុនអាកាសចរណ៍អាល់ហ្សេរីនិយាយ ថា យន្ដហោះ១គ្រឿងរបស់ក្រុមហ៊ុនអាកាសចរណ៍អាល់ហ្សេរី AH5017 ដែលដឹកអ្នកដំណើរ១១០នាក់ទៅកាន់ទីក្រុងអាល់ហ្សេនិងមានសមាជិកក្រុមយានិក៦នាក់ បានបាត់ការទាក់ទងកាលពីថ្ងៃទី២៤ កក្កដា ៥០នាទីក្រោយការហោះចេញពីទីក្រុង អ៊ូអាហ្គា ឌូហ្គូ រដ្ឋធានីប៊ួគីណាហ្វាសូ (from Burkina Faso to Algiers)។ នេះបើតាមវេបសាយបរទេសកាលពីរសៀលថ្ងៃព្រហស្បតិ៍។ លោក ហ្វ្រេដឺរិច គុយវីយេ រដ្ឋមន្ត្រីក្រសួងដឹកជញ្ជូនបារាំង (France's transport minister Frederic Cuvillier ) បាននិយាយថា មានអ្នកដំណើរជិះលើយន្តហោះនោះភាគច្រើនជាជនជាតិបារាំង។ យន្តហោះ AH5017 ហោះពី Ouagadougou, រដ្ឋធានីនៃអាហ្វ្រិក 
Burkina Faso,ទៅក្រុងអាល់ហ្សេ Algiers ហើយបានបាត់ការទាក់ទងពីប្រព័ន្ធរ៉ាដានាម៉ោង១ និង៥៥នាទីព្រឹក។ បើតាមប្រភពពី Air Algerie ប្រាប់ទីភ្នាក់ងារ AFP ថា ការទាក់ទងត្រូវបានបាត់ខណៈពេលយន្តហោះនេះបានស្ថិតនៅរវាងព្រំដែនម៉ាលី និងអាល់ហ្សេរីនៅឡើយ។ អាជ្ញាធរសហព័ន្ធអាកាសចរណ៍អាមេរិក The American Federal Aviation Authority កន្លងមកថ្មីៗនេះបានរំឭកពីការប្រឈមខ្ពស់ពេលហោះកាត់ដែនអាកាសម៉ាលីផងដែរ៕
