ខេត្តកំពង់ធំ លោកសាយ វាសនា ព្រះ រាជអាជ្ញារង អយ្យការសាលាដំបូងខេត្តកំពង់ធំ បានដឹកនាំកម្លាំងសមត្ថកិច្ចកងរាជអាវុធហត្ថខេត្តកំពង់ធំ ក្រោមការបញ្ជាពី ឯកឧត្តម.ស៊ិន វិរៈ ព្រះ រាជអាជ្ញា នៃ អយ្យការ អម សាលាដំបូង ខេត្តកំពង់ធំ ចុះបង្ក្រាបទីតាំង ការលបលួចធ្វើអជីវកម្ម វាយថ្មលក់ ដោយគ្មានការអនុញ្ញាតច្បាប់ កាលពី ថ្ងៃទី 5 ខែកញ្ញាឆ្នាំ២០២០ នៅភូមិ គីរីវ័ន្ត ឃុំកកោះ ស្រុកសន្ទុក ខេត្តកំពង់ធំ។ 
តាមសេចក្តីរាយការណ៍ បានឲ្យដឹងថា ទីតាំងវាយថ្មនេះ បានលបលួចធ្វើអាជីវកម្មថ្មដោយខុសច្បាប់ មកជាយូរមកហើយ រហូតធ្វើបានដល់ទៅ
11រណ្ដៅ ស្មើ 11គ្រួសារ ដែលមានក្រុមហុនទង់ គឹមឡា ជាអ្នកទិញពីពួកគាត់ម្លៃ1ឡាន90000រៀល ទើបពួកគាត់ជាពលរដ្នក្រក្សត់និងគ្មានការងារពិតប្រាកដសំរេចចិត្តមកវាយថ្មលក់អោយក្រុមហុនទង់ គឹមឡា ដើម្បីរកចំណូលដោះស្រាយជីវភាពរស់នៅប្រចាំថ្ងៃ។
លោកសាយ វាសនា ព្រះ រាជអាជ្ញា រង បានផ្អាកសកម្មភាពវាយថ្មបន្តទៅទៀតនិងបាន នំាខ្លួនយកអ្នកវាយថ្មចំនួន6នាក់ទៅសួរនំាបន្តនៅ ទីបញ្ជាការកងរាជអាវុធហត្ថខេត្តកំពង់ធំ ដើម្បីធ្វើកំណត់ហេតុ បញ្ជូនទៅតុលាការដើម្បីចាត់ការបន្តទៅតាមផ្លូវច្បាប់។ ដោយ.ចាន់ថន
