ខេត្តស្ទឹងត្រែង៖ក្មេងវង់វេងបឹងម្នាក់អង្គុយផឹកស្រាអស់១លីត្រស្រវឹងធ្លាក់ភ្នែកទាស់សម្តីគ្នាស្រវ៉ាទាញពូថៅក្បែរនោះ ក៍លើពូថៅកាប់ម្តាយចិញ្ចឹមរយៈពេល៣ឆ្នាំហើយ បណ្តាលឲ្យស្លាប់ភា្លមៗគួរឲ្យរន្ធត់ ដោយសារទាស់សម្តីជាមួយម្តាយចិញ្ចឹម ពីរមូលហេតុឃាត់មិនឲ្យនិយាយទូរស័ព្ទ ជាមួ 
យគូរសង្សាយូពេកជិតពីរម៉ោង ។ ករណីឃាតខាងលើកម្មនេះ បានកើតឡើងក្នុងវេលាម៉ោង៩និង២៧នាទីយប់ថ្ងៃទី២៤ខែកក្កដា ឆ្នាំ២០១៤នេះនៅក្នុងភូមិពាមខិះ ឃុំស្រែសំបូរ ស្រុកសៀមប៉ាងខេត្តស្ទឹងត្រែង។ចំណែកជនល្មើសក្រោយពីកាប់ ម្តាយចិញ្ចឹមរបស់ខ្លួនឲ្យស្លាប់ រួចហើយនោះក៏ភ័យខ្លាចសមត្ថកិច្ចចាប់ ក៍បានតាញម៉ូតូជិះរត់គេចខ្លួនបាត់ស្រមោល ។
លោកវរៈសេនីយ៍ទោរដួង ស៊ីវុត្ថា ប្រធានការិយាល័យព្រហ្មទណ្ឌកំរិតធ្ងន់ នៃស្នងការដ្ឋាន នគរបាលខេត្តស្ទឹងត្រែង៖ បានប្រាប់ភ្នាក់ងារសារព័ត៍មាន បានឲ្យដឹងថា៖ ជនល្មើសមានឈ្មោះកែវ ពៅ ភេទប្រុស អាយុ២៣ឆ្នាំ រស់នៅក្នុងបន្ទុកជាមួយជនរងគ្រោះអស់រយៈពេលប្រមាណជាង៣ឆ្នាំមកហើយ ។
ស្ត្រីវិយចំណាស់ជាជនរងគ្រោះមានឈ្មោះណុប ធា អាយុ៥២ឆ្នាំមុខរបរកសិករ រស់នៅភូមិកើតហេតុខាងលើនោះ ជាជនរងគ្រោះស្លាប់ ដោយសារជនបង្កកាប់ត្រូវចំនួន៣ពូថៅ ត្រូវចំសខាន់ត្រូវក្បាលពីខាងក្រោយ១ពូថៅ ចុះក្រោមក១ពូថៅ និងក្បែរខ្លៀកខាងស្តាំដៃ១ពូថៅ សរុបទាំងចំនួ ន(៣)ពូថៅស្លាប់ភ្លាមៗក្នុងថ្លុកឈាមគួរឲ្យរន្ធត់។
លោកវរៈសេនីយ៍ទោរដួង ស៊ីវុត្ថា បានបញ្ជាក់ថា៖លោកបាទទួលសេចក្តីរាយការណ៍ ពីមន្ត្រីនគរបាលប៉ុស្តិ៍មូលដ្ឋានស្រុកសៀមប៉ាងក្រោយមកទទួលបញ្ជារបានចង្អុលបង្ហាញពីលោកឧត្តមសេនីយ៍ត្រីម៉ៅ តារា នៃស្នងការដ្ឋាននគរបាលខេត្តសឹ្ទងត្រែង៖និងរូបលោកដឹកនាំកម្លាំងនៃកា រិយាល័យព្រហ្មទណ្ឌកំរិតធ្ងន់ខេត្ត ធ្វើការឡោមព័ទ្ធចាប់ខ្លួន ជនល្មើសបានជោគជ័យ នៅចំណុចក្នុងភូមិព្រែកមាស ឃុំស្រែសំបូរ ស្រុកសៀមប៉ាង ប្រមាណជិតមួយម៉ោងក្រោយ ពីការកើតហេតុ ។សមត្ថកិច្ចសហការជាមួយនគរបាលស្រុកសៀមប៉ាង បញ្ជូនខ្លួនជនល្មើសមកកាន់ស្នងការដ្ឋាននៃនគរបាលខេត្តសឹ្ទងត្រែង៖ កំពុងកសាងសំណុំរឿងបញ្ជូនខ្លួន ជនបង្កទៅកាន់សាលាដំបូងខេត្ត ដើម្បីផ្តន្ទាទោសទៅតាមនិតុវិធីច្បាប់ ៕ប៉ាស៊ីអី
