សៀមរាប៖ ទំនាស់រវាងព្រះសង្ឃ និង គណៈកម្មាការវត្តប្រាសាទគោកចកត្រូវបានផ្ទុះឡើងជាលើកទី៣នៅថ្ងៃសីលកន្លងទៅនេះ បន្ទាប់ពីមាន ការជ្រើសរើស ព្រះសង្ឃ និង គណៈកម្មាការបណ្តោះអាសន្ន ដោយពុំមានការបោះឆ្នោតឬមានការឯកភាពពីមន្ទីរធម្មការនិងសាសនាខេត្តនោះទេ។ 
ការផ្ទុះទំនាស់រវាងភាគីទាំងសងខាងនៅវត្តប្រាសាទគោកចកនេះកើតឡើងនៅវេលាម៉ោង ៥ទៀបភ្លឺថ្ងៃទី២៦ខែកក្កដាឆ្នាំ២០១៤ខណៈពេលដែលព្រះសង្ឃ និង ពុទ្ធបរិសទ្ធ័ចំណុះជើងវត្តកំពុងសមាទានសីល ហើយភាគីម្ខាងបានយកសេចក្តីសម្រេចមកប្រកាសឱ្យឧបាសក ឧបាសិកា បានដឹង ទើបមានការទំនាស់ពាក្យសម្តីតឹងសសៃកដាក់គ្នានៅក្នុងពេលនោះ គឺបានឈានទៅដល់ការចង្អុល ជិតដល់ ព្រះកេសព្រះសង្ឃ ពី សំណាក់ក្រុមអាចារ្យគណៈកម្ម ការបណ្តោះអាសន្នផងដែរ ដែលសកម្មភាពបែបនេះត្រូវ បានពុទ្ធបរិស័ទចំណុះជើងវត្ត ប្រាសាទគោកចកមានការខឹង សម្បារយ៉ាងខ្លាំង ។
វត្តប្រាសាទគោកចកនេះស្ថិតនៅភូមិវាល សង្កាត់គោកចក ក្រុងសៀមរាប ដែលកន្លងទៅធ្លាប់មានរឿងអាស្រូវមិនចេះចប់។ បើតាមការឱ្យដឹងពីក្រុម គណៈកម្មការដែលទទួលស្គាល់ តាមផ្លូវច្បាប់ពីមន្ទីរធម្មការនិង សាសនាខេត្តសៀមរាប នោះ គឺរហូតមកដល់ពេលនេះ មិនទាន់មានសេចក្តីសម្រេចរបស់ អាជ្ញធរថ្នាក់ណាមួយឱ្យឈប់ទទួល ស្គាល់ គណៈកម្មការ ដែលមានស្រាប់នេះនៅឡើយទេ ។
ចំណុចនេះបានបង្កើតឱ្យមាន ការមន្ទិលសង្ស័យយ៉ាងខ្លាំង ទៅលើប្រធានគណៈគ្រប់គ្រង បណ្តោះអាសន្នព្រះនាមឥន្ទ បាលី កែវ អាន ក៏ដូចជា លោក ហ៊ុយ ហួន ចៅសង្កាត់គោកចក ព្រមទាំងអនុគណក្រុងសៀមរាប ព្រះនាម ឡាច លាង ផងដែរ ។ ក្រុមគណៈកម្មការអាចារ្យ វត្តប្រាសាទគោកចកបានថ្លែង ប្រាប់ក្រុមអ្នកកាសែតក្រោយ ពេលកើតហេតុ ការណ៍ថា មន្ទីរធម្មការ និងសាសនា ខេត្តសៀមរាបបានសម្តែងនូវ ការខកចិត្តយ៉ាងខ្លាំងចំពោះ រឿងរ៉ាវមិនសមរម្យបែបនេះ។ ហើយការប្រកាសតែងតាំង គណៈកម្មការវត្តបណ្តោះអាសន្ន ក្នុងពេលពុទ្ធបរិស័ទកំពុងប្រតិបត្តិ សីលទានដូច្នេះ គឺពុំធ្លាប់ មានទេ នាពេលកន្លងមក។
