ក្រុងម៉ានីលៈ កាលពីថ្ងៃអាទិត្យ មន្ត្រីប្រទេសហ្វីលីពីនបានធ្វើការស្វាគមន៍សម្រាប់ពលរដ្ឋ ហ្វីលីពីនដែលបានកើតឡើងគម្រប់ទី១០០លាន ដែលមានន័យថា ចំនួនប្រជាជនហ្វីលីពីនគិតមកដល់ថ្ងៃទី២៧ កក្កដា មានចំនួនដល់១០០លាននាក់ហើយ ដែលនាំឲ្យហ្វីលីពីនក្លាយជាប្រទេសទី១២ដែលមាន ប្រជាជនច្រើនជាងគេលើពិភពលោក ។
លោក Juan Antonio Perez III នាយកប្រតិបត្តិ បេសកកម្មប្រជាជន បាននិយាយថា ទារិកា ដែឡមានឈ្មោះថា ចូណាលីន (A baby girl named Chonalyn )ត្រូវបានប្រសូតកាលពីពាក់កណ្តាលអធ្រាត្រ នៅមន្ទីរពេទ្យ រដ្ឋ Jose Fabella ក្នុងក្រុង Manila,។ នាងត្រូវបានទទួលការស្វាគមន៍ និងផ្តល់នូវប័ណ្ណសម្គាល់ នំខេក សម្លៀកបំពាក់ និងអំណោយជាច្រើនពីមន្ត្រីបេសកកម្មសុខភាព និងប្រជាជនផងដែរ។ 
ម្តាយទារិការូបនេះ មានឈ្មោះ Dailin Duras Cabigayan, អាយុ 27 ឆ្នាំ បានញញឹម ខណៈ កូនស្រីរបស់នាង គឺចូណាលីន បានកើតឡើងដោយសុវត្ថិភាព កាលពីវេលាម៉ោង១២ និង៣៥នាទី ឈានចូលថ្ងៃអាទិត្យ មានទម្ងន់២.៨ គីឡូក្រាម និងទទួលការស្វាគមន៍ពី មន្ត្រីបេសកកម្មសុខភាព និងប្រជាជន៕ ធីវ សុមុនី ប្រជ្រៀតគ្នាទៅស្រុកសម្រុកគ្រប់មធ្យោបាយក្រោយពីចប់ពិធីបុណ្យរ៉ាម៉ាដន
