បង់ក្លាដែសៈ ដ៏កកកុញឬក៏ប្រញាយគ្នាដ៏សន្ធឹកសន្ធាប់ឡើងជិះទូក កាណូត ស្រាឡាងដើម្បីចាកចេញពីទីក្រុងទៅស្រុកកំណើតរបស់ខ្លួនវិញ ក្រោយពីបញ្ចប់ថ្ងៃបុណ្យដ៏ពិសិដ្ឋដែលមានរយៈពេល១ខែកន្លងមក។ នេះបើតាមវេបសាយបរទេសចិនឆាយណាដេលី កាលពីថ្ងៃចន្ទ ទី២៨ ខែកក្កដា ឆ្នាំ២០១៤។
តាមប្រភពនេះ មនុស្សម្នាដ៏ណែនណាន់តាន់តាប់ កាលពីថ្ងៃអាទិត្យ ទី២៧ កក្កដា បានប្រជ្រៀតគ្នាត្រឡប់ទៅស្រុកកំណើត ឬកន្លែងធ្វើការរៀងៗខ្លួន ដោយខ្លះប្រជ្រៀតគ្នាឡើង ឡាន ខ្លះជិះទូក កាណូត ស្រឡាង និងខ្លះទៀតនៅតំបន់ឆ្ងាយបានប្រញាយគ្នាឡើងជិះរថភ្លើង ដោយមានគ្រប់កន្លុកកន្លៀត រួមមានទាំងលើតំបូល កន្លែងតំណភ្ជាប់ទូនីមួយៗនៃរថភ្លើង និងគែមទូជាដើម។ រាប់លាននាក់បាន ចាកចេញពីទីក្រុងដាកា ប្រទេសបង់ក្លាដែស កាលពីម្សិលមិញ ដោយឥតនឹកនាដល់គ្រោះថ្នាក់ជាយថាហេតុឡើយ។ សូមពិនិត្យ មើលទិដ្ឋភាពនៃហ្វូងមនុស្សទាំងនេះ៕ 
