ខេត្ដកំពត៖ ភ្នំកកេះ ស្ថិតក្នុងសង្កាត់ អណ្ដូង ខ្មែរ ក្រុងកំពត ត្រូវបាន ប្រជាពលរដ្ឋឱ្យដឹងថា ពេលនេះកំពុងរងការគាស់ បំផ្លាញយកថ្ម និងដីលក់ យ៉ាងអនាធិបតេយ្យ រីឯ មន្ដ្រីជំនាញនិងអាជ្ញាធរ ហាក់ធ្វើមិនដឹង ។
តាមសេចក្ដីរាយការណ៍ថា ដីព្រៃភ្នំប្រមាណជិត ២០ហិកតាពេលនេះត្រូវ បានក្រុមឈ្មួញធ្វើសកម្មភាពរុករាន កាយ និងវាយយកថ្មលក់ជារៀងរាល់ថ្ងៃ តែគេមិនដែលសង្កេតឃើញមានមន្ដ្រី ជំនាញ ចុះមកត្រួតពិនិត្យឡើយ ។
ប្រភពថា ម្ចាស់អាជីវកម្មខាងលើ ឈ្មោះ លី ហើយបច្ចុប្បន្ន ក្រុមហ៊ុន លោក លី ក្រៅតែពីការបំផ្លាញភ្នំយ៉ាង សកម្មគេក៏បានដឹកដី និងថ្មដោយពុំមាន គម្របឆ្លងកាត់ក្រុងធ្វើឱ្យខូចផ្លូវ និង ប៉ះពាល់សុខភាព ប្រជាពលរដ្ឋផងដែរ ។
សារព័ត៌មានយើងមិនអាចសុំការបំភ្លឺ ពីលោក សម វិចិត្រ ប្រធានមន្ទីររ៉ែ និង ថថាមពល ខេត្តកំពតបានទេ ដោយ សារទូរស័ព្ទរបស់គាត់ ដាក់ប្រព័ន្ធជាប់រវល់។
ប្រជាពលរដ្ឋ និយាយថាសកម្មភាព វាយថ្មភ្នំលក់បានកើតមានជារៀងរាល់ថ្ងៃ រីឯអាជ្ញាធរ និងស្ថាប័នជំនាញនៅខេត្ដ កំពត ធ្វើហាក់ដូចជាគ្មានរឿងអីកើតឡើង នៅខេត្ដកំពតសកម្មភាពបំពាន ច្បាប់ដោយពួកឈ្មួញហាក់ដូចជារឿងធម្មតា អាជ្ញាធរនិងស្ថាប័នជំនាញធ្វើ តែមិនដឹងគ្រប់ពេល ៕
