សៀមរាប៖ ប៉ូលិសការិយាល័យប្រឆាំងគ្រឿងញៀនខេត្តបានបង្ក្រាបគ្រឿងញៀន២ករណីផ្សេងគ្នារឃាត់ខ្លួនមនុស្ស៧នាក់ដកហូតឧបករណ៍មួយចំនួនបញ្ជូនទៅតុលាការនៅរសៀលថ្ងៃនេះ។ លោកអ៊ុំសាអាត នាយការិយាល័យ បានឲ្យដឹងថាករណីទី១នៅថ្ងៃទី២៧ខែកក្កដាឆ្នាំ២០១៤កម្លាំងសមត្ថកិច្ចបានសហការជាមួយនគបាលប៉ុស្ដិ៍សង្កាត់ស្វាយដង្គុំនឹងនគរបាលប៉ុស្ដិ៍ស្លក្រាមបានធ្វើសកម្មភាពបង្ក្រាបមុខសញ្ញាប្រើប្រាស់គ្រឿងញៀនខុសច្បាប់នៅភូមិស្លក្រាមសង្កាត់ស្លក្រាមក្រុងសៀមរាបដោយឃាត់ខ្លួនមនុស្សបាន៣នាក់។ 
ជនសង្ស័យទាំង៣នាក់ទី១ឈ្មោះលន់ឡៃហេងភេទប្រុសអាយុ២១ឆ្នាំនៅភូមិជន្លង់សង្កាត់សាលាកំរើក/ទី២ឈ្មោះហួតយិ(ហៅបញ្ញា)ភេទប្រុសអាយុ១៨ឆ្នាំស្នាក់នៅភូមិស្លក្រាម សង្កាត់ស្លក្រាម/ទី៣ឈ្មោះវនសីហាភេទប្រុសអាយុ២១ឆ្នាំស្នាក់នៅភូមិបឹងដូនប៉ា សង្កាត់ស្លក្រាម ។ លោកវរសេនីយ៍ត្រីអ៊ុំសាអាត បន្ថែមថាករណីទី២នៅថ្ងៃទី២៧ខែកក្កដាឆ្នាំ២០១៤កម្លាំងការិយាល័យបានសហការជាមួយនគរបាលស្រុកសូទ្រនិគម បានធ្វើសកម្មភាពបង្ក្រាបករណីប្រើប្រាស់នឹងចាត់ចែងឲ្យប្រើប្រាស់នូវសារធាតុញៀនខុសច្បាប់នៅភូមិបុស្សធំ ឃុំខ្នារពោធិ៍ ស្រុកសូទ្រនិគម ខេត្តសៀមរាប ដោយឃាត់ខ្លួនមនុស្សបានចំនួន៤នាក់។ 
ជនសង្ស័យទី១ឈ្មោះរ័ត្នថេន ភេទប្រុសអាយុ២៦ឆ្នាំ/ទី២ឈ្មោះរ៉ែមសារ៉េតភេទប្រុសអាយុ២១ឆ្នាំជនទាំង២នាក់មានទីលំនៅភូមិសំលាង ឃុំខ្នារពោធិ៍ ស្រុកសូទ្រនិគម។ទី៣ឈ្មោះផលកុសលភេទប្រុសអាយុ២១ឆ្នាំ/ទី៤ឈ្មោះសេងភក្ដី(ហៅតែម)ភេទប្រុសអាយុ២១ឆ្នាំជនទាំង២នាក់រស់នៅភូមិជ្រៃ ឃុំកណ្ដែក ស្រុកប្រាសាទបាគង។ មន្ត្រីការិយាល័យប្រឆាំងគ្រឿងញៀនបញ្ជាក់ថាសមត្ថកិច្ចបានដកហូតនូវម្សៅមេតំហ្វេតាមីន០១កញ្ចប់តូច.ទូរស័ព្ទដៃ០២គ្រឿង.ម៉ូតូចំនួន០២គ្រឿងនិងឧបករណ៍ប្រើប្រាស់គ្រឿងញៀនមួយចំនួនបញ្ជូនទៅតុលាការនៅថ្ងៃនេះ។
