ក្រុមឧទ្ទាមអ៊ិស្លាមដែលបានប្រកាស បង្កើតប្រទេសអ៊ិស្លាមផ្ដាច់ខ្លួននៅព្រំ ដែនស៊ីរី និងអ៊ីរ៉ាក់ ពេលនេះបានបើក ការិយាល័យសម្រាប់ជ្រើសរើសស្ដ្រី ដែលមិនទាន់មានប្ដី ឬស្ដ្រីមេម៉ាយ សម្រាប់ធ្វើជាប្រពន្ធរបស់ក្រុមឧទ្ទាម នៅតំបន់ភាគខាងជើង ។ សារព័ត៌មានរ៉យទ័របាន
ផ្សព្វផ្សាយ ថា ការិយាល័យជ្រើសរើសភរិយា សម្រាប់ក្រុមឧទ្ទាមដែលមានទំនាក់ ទំនងជាមួយក្រុមអាល់កៃដាបានបង្កើត ឡើងនៅតំបន់អាល់បាត ភាគនិរតីនៃទី ក្រុងអាឡែប៉ូ ប្រទេសស៊ីរី ។ អង្គការឃ្លាំ មើលសិទ្ធិមនុស្សស៊ីរីបានឱ្យដឹងថា ការិ យាល័យនោះនឹងទទួលឯកសារពាក់ព័ន្ធ មានឈ្មោះ មានអសយដ្ឋានរបស់ស្ដ្រី នៅលីវដែលចង់ក្លាយជាភរិយារបស់ ក្រុមឧទ្ទាម ។ ក្រុមឧទ្ទាមនឹងទៅដល់ផ្ទះ តាមអសយដ្ឋានដើម្បីសុំរៀបការទៅ តាមច្បាប់ និងប្រពៃណី ។ កន្លងមក មានព័ត៌មានជាច្រើនបាន ផ្សព្វផ្សាយថា ក្រុមឧទ្ទាមអ៊ិស្លាមបាន ខិតខំស្វែងរកប្រពន្ធរៀងៗខ្លួនដើម្បីមាន កូនចៅបន្ដវេន ។
ពួកគេក៏បានបង្ខំស្ដ្រី នៅក្នុងតំបន់ដែលពួកគេគ្រប់គ្រងរៀប ការជាមួយពួកគេទៀតផង ។ អគ្គនាយកអង្គការឃ្លាំមើលសិទ្ធិ មនុស្ស លោក Rami Abdurrahman បានឱ្យដឹងថា នេះជាលើកទីមួយហើយ ដែលក្រុមឧទ្ទាមអ៊ិស្លាមបានប្រកាស ជ្រើសរើសប្រពន្ធទៅតាមផ្លូវច្បាប់ ដោយជ្រើសរើសយកស្ដ្រីដែលស្ម័គ្រចិត្ដ រៀបការជាមួយក្រុមឧទ្ទាម ។ ប្រទេសអ៊ិស្លាមផ្ដាច់ខ្លួនត្រូវបាន បង្កើតឡើងដោយក្រុមអ៊ិស្លាមនៅអ៊ីរ៉ាក់ ដែលហៅកាត់ថា ISIS ហើយបានគំរាម កំហែងវាយប្រហារដណ្ដើមការគ្រប់ គ្រងទីក្រុងបាដាដទៀតផង ។
នៅក្នុង ប្រទេសស៊ីរី ក្រុមនេះបានគ្រប់គ្រងនៅ លើផ្ទៃដីមួយភាគបីរបស់ប្រទេសស៊ីរី ។ នៅតំបន់ដែលក្រុមអ៊ិស្លាមគ្រប់គ្រង ពួកគេបានអនុវត្ដទៅតាមច្បាប់ដែល មានភាពតានតឹងយ៉ាងខ្លាំងចំពោះស្ដ្រី បង្ខំឱ្យស្ដ្រីត្រូវពាក់ស្បៃមុខ ស្លៀកពាក់ តាមច្បាប់ដែលពួកគេកំណត់ បើមិន ដូច្នោះទេ នឹងទទួលរងការផាកពិន័យ យ៉ាងធ្ងន់
