ភ្នំពេញ ៖ កម្លាំងជំនាញខណ្ឌឬស្សីកែវ និងកម្លាំងប៉ុស្តិ៍គីឡូម៉ែត្រលេខ៦ នៅវេលាម៉ោង០២ និង១០នាទី ថ្ងៃទី០៦ ខែមករា ឆ្នាំ២០២១ បានធ្វើការស្រាវជ្រាវបង្រ្កាបជាក់ស្ដែងករណីជួញដូរដោយខុសច្បាប់នូវសារធាតុញៀនចំណុចទួលឆេកូ ផ្លូវបេតុង ក្រុមទី១០ ភូមិក្រោលគោ សង្កាត់គីឡូម៉ែត្រលេខ៦ ខណ្ឌប្ញស្សីកែវ រាជធានីភ្នំពេញ។
ជាលទ្ធផលកម្លាំងជំនាញខណ្ឌ និងប៉ុស្តិ៍ឃាត់បានជនសង្ស័យម្នាក់ ឈ្មោះ អឿ ប៊ុនឆៃ ភេទប្រុស អាយុ២៣ឆ្នាំ ជនជាតិខ្មែរ មានមុខរបរមិនពិតប្រាកដ ទីលំនៅផ្ទះលេខ ផ្លូវបេតុង ភូមិក្រោលគោ សង្កាត់គីឡូម៉ែត្រ៦ ខណ្ឌប្ញស្សីកែវ រាជធានីភ្នំពេញ (មានសារធាតុញៀន)។ ចំណែកសំភារៈដកហូតមាន ក្រាមពណ៌សថ្លាចំនួន០៩កញ្ចប់តូច។
បច្ចុប្បន្ននេះ ជនសង្ស័យរួមនឹងវត្ថុតាង ត្រូវកម្លាំងនាញខណ្ឌកំពុងកសាងសំណុំរឿងបញ្ជូនទៅសាលាដំបូងរាជធានីភ្នំពេញ ដើម្បីអនុវត្តន៍តាមនីតិវិធី ៕
