ភ្នំពេញ ៖ យោងតាមរបាយការណ៍របស់លោកវរសេនីយ៍ឯក ហ៊ាង ថារ៉េត អធិការនគរបាលខណ្ឌឬស្សីកែវ ដែលក្រុមការងារទូរទស្សន៍អប្សរា យេីងទទួលបាននៅព្រឹកថ្ងៃទី៦ ខែមករា ឆ្នាំ២០២១នេះ មានជនសង្ស័យម្នាក់ ពាក់ព័ន្ធ ករណី ជួញដូរដោយខុសច្បាប់នូវសារធាតុញៀន ត្រូវបានកម្លាំងជំនាញខណ្ឌបង្ក្រាបជាក់ស្តែង ត្រង់ចំនុច ភូមិផ្សាតូច សង្កាត់ទួលសង្កែទី១ ខណ្ឌឬស្សីកែវ រាជធានីភ្នំពេញ ។
ជនសង្ស័យខាងលេីមានឈ្មោះ ពេជ្រ សុផល ភេទប្រុស អាយុ៣៤ឆ្នាំ ជនជាតិខ្មែរ មុខរបរ មិនពិតប្រាកដ មានទីលំនៅផ្ទះជួល ភូមិផ្សាតូត សង្កាត់ ទួលសង្កែទី១ ខណ្ឌឬស្សីកែវ រាជធានីភ្នំពេញ។
ចំណែកសម្ភារះដកហូតមាន ក្រាមពណ៌សថ្លាសង្សយ័ជាគ្រឿងញៀន ចំនួន ០៨ (ប្រាំបី) កញ្ចប់ ។
បច្ចុប្បន្ននេះ ជនសង្ស័យរួមនឹងវត្ថុតាង ត្រូវបានកម្លាំងជំនាញខណ្ឌ ឬស្សីកែវ កសាងសុំណុំរឿងបញ្ចូនទៅតុលាការចាត់ការតាមច្បាប់ ៕
