យ៉ាងហោចណាស់ជនជាតិប៉ាឡេស្ទីន ២០នាក់បន្ថែមទៀត បានស្លាប់កាលពីព្រឹក ថ្ងៃពុធ ទី៣០ ខែកក្កដា នេះ ដោយសារតែការទម្លាក់គ្រាប់បែក របស់អ៊ីស្រាអែល ទៅលើ សាលារៀនមួយ កន្លែង ស្ថិតនៅក្រុងហ្សាបាលីយ៉ា ភាគខាងជើង តំបន់ហ្គាសាស្ទ្រីព ។ ទីភ្នាក់ងារព័ត៌មានចិនស៊ិនហួ បានចេញផ្សាយនៅថ្ងៃពុធ នេះទៀតថា សាលារៀនដែលត្រូវ កងទ័ព អាកាសអ៊ីស្រាអែល វាយប្រហារនេះ គឺជាទីតាំងដែលជនភៀសខ្លួន ប៉ាឡេ
ស្ទីន រាប់ពាន់នាក់ យកជាទី ជ្រកកោណ និងព្យាបាលអ្នករងរបួស ដោយសារតែការវាយប្រហារ កន្លងមករវាងអ៊ីស្រាអែល និង ក្រុម សកម្មប្រយុទ្ធហាម៉ាស់ ។ គួរបញ្ជាក់ថា លោកអគ្គលេខាធិការនៃអង្គការសហប្រជាជាតិ បាន គីមូន បានអំពាវនាវពី ទីស្នាក់ការយូអិននាបុរីញូយ៉ក កាលពីថ្ងៃអង្គារ ឲ្យភាគីទាំងពីរបញ្ឈប់ការបាញ់ប្រហារដាក់គ្នា ដោយគ្មានលក្ខខណ្ឌ ប៉ុន្តែសេចក្តីអំពាវនាវនេះ មិនមានឥទ្ធិពលអ្វីដល់ជម្លោះដែលកំពុងតែ ក្តៅគគុកនោះឡើយ ស្របពេល ដែលមនុស្សស្លាប់រហូតមកដល់ថ្ងៃពុធនេះ បានកើនឡើង ដល់ជាង ១.២០០នាក់ និង ជាង ៦.០០០ នាក់ផ្សេងទៀតរងរបួស ៕
