ភ្នំពេញ ៖ យ៉ាងហោចណាស់មានមនុស្សម្នាក់ស្លាប់ និង២នាក់ទៀតរងរបួសក្នុងករណីគ្រោះថ្នាក់ចរាចរណ៍បង្កដោយបុរសម្នាក់ទំនងជាស្រវឹងស្រាបានបើករថយន្តលឿនទៅបុករថយន្តដឹកសំរាមពីក្រោយ កាលពីវេលាម៉ោង ១០និង៣០នាទីយប់ ថ្ងៃទី ១៣ ខែមករា ឆ្នាំ ២០២១ ស្ថិតនៅតាមបណ្ដោយផ្លូវជាតិលេខ២ ក្នុងសង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ។
យោងតាមប្រភព័ត៌មានពីកម្មករប្រមូលសំរាម បានឲ្យដឹងថា មុនពេលកើតហេតុគាត់បានបើករថយន្តស៊ីនទ្រី ដឹកសំរាមធ្វើដំណើតាមបណ្តោយផ្លូវជាតិលេខ២ ក្នុងទិសដៅពីលិចមកកើត មកដល់ចណុចកើតហេតុ បាននាំគ្នាឈប់ប្រមូលសំរាមតាមដងផ្លូវ ខណៈនោះ ស្រាប់តែមានរថយន្តម៉ាកតូយ៉ូតា ព្រូស ពណ៌ទឹកប្រាក់ ពាក់ផ្លាកលេខ ភ្នំពេញ 2BE 6693ធ្វើដំណើរស្របទិសគ្នា យយ៉ាងលឿនបាន ជ្រុលមកបុកពីក្រោយពេញទំហឹង បណ្តាបណ្តាលឲ្យត្រូវកម្មករស្លាប់ម្នាក់ និងរងរបួសធ្ងន់និងស្រាល២ នាក់។ ក្រោយពេលកើតហេតុអ្នកបើករថយន្តរត់គេចខ្លួនបាត់ឃាត់បានតែនាក់រួមដំណើ២នាក់
ក្រោយកើតហេតុសមត្ថកិច្ចមូលដ្ឋាន សហការជាមួយសមត្ថកិច្ចជំនាញចរាចរចុះមកស្ទូចយករថយន្តទៅរក្សាទុកនៅការិយាល័យចរាចរផ្លូវគោករាជធានីភ្នំពេញរង់ចាំដោះស្រាយគ្នានៅពេលក្រោយ ចំណែកសពជនរងគ្រោះសមត្ថកិច្ចធ្វើកំណត់ហេតុរួចប្រគល់ឲ្យក្រុមគ្រួសារយកទៅធ្វើបុណ្យាមប្រពៃណី៕
