ខេត្តរតនគិរីៈ ទឹកទន្លេស្រែពកឡើងដល់១១ម៉ែត្រ១០សង់ទីម៉ែត្រ នៅខ្វះ៩សង់ទីម៉ែត្រទៀតស្ថិតនៅភាពប្រកាសអាសន្នហើយឡើងយ៉ាងកំហុករយៈពេលពីថ្ងៃទី២៩ ដល់ថ្ងៃទី៣១ ខែកក្កដា នេះនៅស្រុកលំផាត់។ 
លោកគង់ ស្រ៊ុន អភិបាលស្រុកលំផាត់បានអោយដឹងកាលពីរសៀលថ្ងៃទី៣១ ខែកក្កដា នេះថាគឹទឹកទន្លេស្រែពកចាប់ផ្តើមឡើងយ៉ាងកំហុក ចាប់ពីថ្ងៃ២៩ដល់៣១ ខែកក្កដានេះទឹកបានឡើងយ៉ាងកំហុក ហើយនៅខ្វះ៩សង់ទីម៉ែត្រទៀតស្ថិតនៅភាពប្រកាសអាសន្នហើយ លោកចេញសេក្តីជូនដំណឹងដល់មេឃុំទាំង៦ អោយប្រជាពលរដ្ឋនៅតាមបណ្តាឃុំអោយមានការប្រុងប្រយ័ត្នខ្ពស់ ហើយអាជ្ញាធរស្រុក និងកងកម្លាំងទាំង៣
ប្រភេទកំពុងត្រៀមមធ្យោបាយសំរាបជួយជំលៀសប្រជាពលរដ្ឋ សត្វ និងសំភារៈ របស់ប្រជាពលរដ្ឋ ដែលរងគ្រោះដោយសារទឹកជំនន់មកកាន់ទីទួលសុវត្ថិភាព ហើយលោកនិងត្រៀមគ្រូពេទ្យសំរាប់ព្យាបាលជម្ងឺប្រជាពលរដ្ឋ ហើយផ្លូវទៅកាន់ភូមិអូរកាន ក្រោមទៅភូមិសាមខាទឹកជំនន់លិចផ្លូវចំងាយ២០០ម៉ែត្រធ្វើអោយប្រជាពលរដ្ឋពិបាកក្នុងការធ្វើដំណើរ ហើយលោកឲ្យប្រជាពលរដ្ឋមានការប្រុងប្រយ័ត្នចាប់ពីខែសីហាដល់ខែតុលា ព្រោះមានទឹកភ្លៀងធ្លាក់ច្រើននៅសប្តាហ៍ខាងមុខនេះលោកនឹងកោះហៅគណៈកម្មការគ្រប់គ្រងគ្រោះមហន្តរាយថ្នាក់ស្រុកមកប្រជុំដោះស្រាយចំពោះគ្រោះមហន្តរាយចំពោះមុខ។ លោកយូ ឡា ប្រធានមន្ទីរធនធានទឹក និងឧតុនិយមខេត្ត មានប្រសាសន៍តាមទូរស័ព្ទថា នៅថ្ងៃទី២៩ ទឹកភ្លៀងកំពស់១៥មីលីម៉ែត្រ ថ្ងៃទី៣០ ៤៤,៤មីលីម៉ែត្រ ថ្ងៃទី៣១ ១២,៣មីលីម៉ែត្រ៕
