ភ្នំពេញ ៖ យោងតាមរបាយការណ៍របស់លោកវរសេនីយ៍ឯក ម៉ៅ សឿត អធិការនគរបាលខណ្ឌច្បារអំពៅ បានឲ្យដឹងនៅព្រឹកថ្ងៃទី ២៧ ខែមករា ឆ្នាំ ២០២១ នេះ កម្លាំងសមត្ថកិច្ចប៉ុស្តិ៍វាលស្បូវ បានឃាត់ខ្លួនជនសង្ស័យម្នាក់កាលពីម្សិលមិញ ពីបទ ជួញដូរដោយខុសច្បាប់នូវសារធាតុញៀន ត្រង់ចំនុចមុខដីឡូតិ៍គ្មានលេខ ផ្លូវលំ ភូមិវាលស្បូវ សង្កាត់វាលស្បូវ ខណ្ឌច្បារអំពៅ រាជធានីភ្នំពេញ។
ក្នុងរបាយការណ៍របស់លោកអធិការខណ្ឌច្បារអំពៅ បានបញ្ចាក់ថា ជនសង្ស័យឈ្មោះ រាជ អូន ភេទ ប្រុស អាយុ ១៨ឆ្នាំ ជនជាតិ ខ្មែរ មុខរបរ កម្មករសំណង់ ស្នាក់នៅភូមិវាលស្បូវ សង្កាត់វាលស្បូវ ខណ្ឌច្បារអំពៅ រាជធានីភ្នំពេញ។
+ ដកហូតបានវត្ថុតាង :
– កក្រាមពណ៌សរថ្លា ១៨ កញ្ចប់ថង់តូច
បច្ចុប្បន្ននេះ ជនសង្ស័យរួមនឹងវត្ថុតាង ត្រូវបានកម្លាំងជំនាញខណ្ឌ ច្បារអំពៅ កសាងសុំណុំរឿងបញ្ចូនទៅតុលាការចាត់ការតាមច្បាប់ ៕
