ភ្នំពេញ៖នៅថ្ងៃទី២៨ខែមករាឆ្នាំ២០២១ វេលាម៉ោង១៧ និង៣០នាទី កម្លាំងប៉ុស្តិ៍នគរបាលអូរបែកក្អម ឃាត់ខ្លួនជនសង្ស័យម្នាក់ ករណីប៉ុនប៉ងលួចទ្រព្យសម្បត្តិ នៅចំណុចក្នុងផ្ទះសង់ថ្មីគ្មានលេខ ផ្លូវបេតុង ភូមិត្រពាំងឈូក សង្កាត់អូរបែកក្អម ខណ្ឌសែនសុខ រាជធានីភ្នំពេញ។
ប្រភពពីសមត្ថកិច្ចបានឲ្យដឹងថាជនសង្ស័យមាន ឈ្មោះ ទូច ពិសិដ្ឋ ភេទប្រុស អាយុ៣២ឆ្នាំ ជនជាតិខ្មែរ មុខរបរគ្មាន ស្នាក់នៅមិនពិតប្រាកដ(មានសារធាតុញៀន) បានប៉ុនប៉ងលួចទ្រព្យសម្បត្តិ របស់ជនរងគ្រោះ ឈ្មោះ សយ ដារ៉ា ភេទប្រុស អាយុ៣២ឆ្នាំ ជនជាតិខ្មែរ មុខរបរវិស្វករសំណង់ ស្នាក់នៅផ្ទះលេខ១៦ ផ្លូវ៦០៨ ភូមិ១៧ សង្កាត់បឹងកក់២ ខណ្ឌទួលគោក ។
សម្ភារ:បាត់បង់កញ្ចក់០១ផ្ទាំង , សម្ភារៈបន្សល់ទុកកាបូបស្ពាយ០១ , កន្ត្រៃកាត់ដែក០១ , កាំបិតបុ័ងតោ០១ ដុំថ្ម០១ដុំ ។បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី ៕ដោយ៖ប៉ែន ឡា
