ខេត្តកំពង់ធំ៖នៅថ្ងៃទី២៨ ខែមករា ឆ្នាំ២០២១ មានករណីអគ្គីភ័យចំនួន៣ករណីបង្កការភ្ញាក់ផ្អើល ។សមត្ថកិច្ច នគរបាល នៃអធិការដ្ឋាននគរបាលស្រុកបារាយណ៍បានឲ្យដឹងថា ករណីទី១ឆេះជញ្រ្ជាំងស្រូវនៅវេលាម៉ោង១៩:៣០នាទីស្ថិតនៅចំណុចភូមិឈូកខ្សាច់ ឃុំឈូកខ្សាច់ ស្រុកបារាយណ៍ដោយ ប្រជាពលរដ្ឋមិនស្គាល់អត្តសញ្ញាណដុត។ ក្នុងហេតុការណ៍នេះផងដែរ រថយន្តអគ្គិភ័យរបស់អធិការ ដ្ឋាននគរបាលស្រុកបារាយណ៍បានចេញអន្តារគមន៍ចំនួន០១គ្រឿងប្រើប្រាស់ទឹកសរុបចំនួន២៦ម៉ែត្រ គូប ប្រើប្រាស់កម្លាំងចុះអន្តរាគមន៍ពន្លត់សរុបចំនួន ១០នាក់ ប្រជាករពារនិងប្រជាពលរដ្ឋសរុបចំនួន ១៥នាក់។
ដោយឡែកករណីទី២ អគ្គិភ័យឆេះផ្ទះប្រជាពលរដ្ឋនៅវេលាម៉ោង១៤:៣០នាទីស្ថិតនៅចំណុចភូមិតាមុំ ឃុំដូង ស្រុកប្រាសាទបល្ល័ង្ក ខេត្តកកំពង់ធំ។
សមត្ថកិច្ចនគរបាលស្រុកប្រាសាទបល្ល័ង្ក បានឲ្យដឹងថា ម្ចាស់ផ្ទះដែលត្រូវអគ្គីភ័យឆាបឆេះ ឈ្មោះ នូ ភ័ក្ត ភេទប្រុស អាយុ ៣៨ឆ្នាំ ប្រពន្ធឈ្មោះញូវ កិច អាយុ ៣៧ឆ្នាំ។ ក្នុងករណីនេះខូចខាត ផ្ទះទំហំ ៦មx ៧ម ធ្វើអំពីឈើ ប្រក់ស័ង្កសី ជញ្ជាំងក្តានិងស្លឹកត្នោតសម្ភារៈប្រើប្រាស់ក្នុងផ្ទះទាំងអស់។ មូលហេតុបណ្តាលមកពីធ្វេសប្រហែសដុតភ្លើងធូប។
ករណីទី៣ អគ្គិភ័យឆេះចំការក្រញូងរដ្ឋបាលព្រៃឈើនៅវេលាម៉ោង២០:០០នាទី ស្ថិតនៅចំណុចភូមិថ្មសំលៀង ឃុំក្រយា ស្រុកសន្ទុក ខេត្តកំពង់ធំ។
ក្នុងហេតុការណ៍នេះបន្តាលឲ្យខូចខាត:ឆេះក្រញូងអស់ចំនួន០៤ហិចតា។ ពេលកើតហេតុកម្លាំងចុះអន្តរាគមន៍ពន្លត់សរុបចំនួន១៥នាក់ដោយប្រើប្រាស់ឧបករណ៍សាមញ្ញពន្លត់ដោយដៃប្រើមែកឈើវាយពន្លត់និងត្រាក់ទ័រភ្ជួរកាត់រលត់ទាំងស្រុង៕
