បន្ទាយមានជ័យ ៖ ឯកឧត្តម ប៉ៃ សំបូរ អគ្គលេខាធិកា នៃវេទិកាសម្ព័ន្ធសង្គមស៊ីវិល ទីស្តីការគណៈរដ្ឋមន្ត្រី តំណាងដ៏ខ្ពង់ខ្ពស់ ឯកឧត្តម កឹមរ័ត្ន វិសិដ្ឋ រដ្ឋលេខាធិការ ទីស្តីការគណៈរដ្ឋមន្ត្រី និងជាប្រធានក្រុមប្រឹក្សាភិបាលនៃវេទិកាសម្ព័ន្ធសង្គមស៊ីវិល បានអញ្ជេីញជាអធិបតី ភាព ចែកអំណោយ កាតាប សម្ភារៈ សិក្សា ពីមូលនិធិចិនកាត់បន្ថយភាពក្រីក្រចំនួន ៦៥៧៥កញ្ចប់ ដេីម្បីចែកជូនដល់សិស្សានុសិស្សចំនួន៦៥៧៥នាក់ ដែលកំពុងសិក្សា សាលាបឋមសិក្សា ចំនួន២៩ទូទាំងខេត្តបន្ទាយមានជ័យ នៅព្រឹកថ្ងៃទី២ ខែកុម្ភៈ ឆ្នាំ ២០២១។
ក្នុងពិធីប្រគល់សម្ភារៈសិក្សានោះដែរក៏មានការអញ្ជេីញចូលរួមពីសំណាក់លោកជំទាវ រស់ សុផានី អភិបាលរង នៃគណៈអភិបាលខេត្តបន្ទាយមានជ័យ តំណាងដ៏ខ្ពង់ខ្ពស់ ឯកឧត្តម អ៊ុ រាត្រី អភិបាលខេត្ត និងមានការចូលរួមពី អភិបាលរង ក្រុង ស្ថាប័នពាក់ព័ន្ធផងដែរ ធ្វេីឡេីងនៅបរិវេណសាលាបឋមសិក្សា សែនសិន។
លោកជំទាវ រស់ សុផានី អភិបាលរង បានមានប្រសាសន៍ ថ្លែងអំណរគុណ មូលនិធិចិនកាត់បន្ថយភាពក្រីក្រ តាមរយៈ វេទិកាសម្ព័ន្ធសង្គមស៊ីវិល ដែលបានចូលរួមលេីកស្ទួយវិស័យអប់រំនៅក្នុងខេត្តបន្ទាយមាន ជ័យ ក្នុង ការឧបត្ថម្ភ គាំទ្រ ជាសម្ភារៈ សិក្សាដល់ក្មួយៗសិស្សានុសិស្ស ដែលមានជីវភាពខ្វះខាត់ មិនមានលទ្ធភាពទិញសម្ភារៈសម្រាប់សិក្សា។ លោកជំទាវ បន្តថា ៖ ក្រោយពីទទួលបានសុខសន្តិភាព ខេត្តបន្ទាយមានជ័យ មានការរីកចម្រេីនលេីគ្រប់វិស័យ ជាក់វិស័យអប់រំ សាលារៀនបានរីកដុះដាលគ្រប់ទីកន្លែង ងាយស្រួលដល់សិស្សានុសិស្សបានសិសក្សារៀនសូត្រស្រួល ក្រោមគោលនយោបាយ ឈ្នះ ឈ្នះ របស់ប្រមុខរាជរដ្ឋាភិបាលកម្ពុជា ដែលមានសម្តេច អគ្គមហាសេនា បតីតេជោ ហ៊ុន សែន នាយករដ្ឋមន្ត្រីនៃកម្ពុជា ។
មានប្រសាសន៍សំណេះសំណាល ឯកឧត្តម ប៉ៃ សំបូរ បានមានប្រសាសន៍ លេីកឡេីងថា ៖ ប្រភពនៃចំនេះដឹង គឺកេីតចេញពីការខិតខំប្រឹងប្រែងរបស់ក្មួយៗ ការខិតខំសក្សារៀនសូត្រក្រេបយកចំណេះដឹង គឺដេីម្បីអភិវឌ្ឍន៍ខ្លួន ឲ្យក្លាយជាធនធានដ៏សំខាន់សម្រាប់ប្រទេសជាតិ។ ពិតណាស់ ការខិតខំប្រឹង ប្រែ ង តែងតែទទួលបានជោគជ័យ ហេីយគ្មានជោគជ័យណា កេីតចេញពីការមិនខិតខំប្រឹងប្រែងនោះទេ ។ ដូច្នេះក្មួយៗសិស្សានុសិស្ស ត្រូវតែខិតខំប្រឹងប្រែង ក្រេបយកចំណេះដឹង ពិសេសត្រូវមានការសិក្សារៀនសូត្រ ស្រាវជ្រាវ មេរៀនតាមប្រព័ន្ធ អ៉ីនធឺណិត ដែលជាចំណេះដឹងបន្ថែម ។
ទន្ទឹមនឹងជាមួយនោះឯកឧត្តម ប៉ៃ សំបូរ ក៏បានមានប្រសាសន៍ ថា ៖ ជម្រុញណែនាំដល់ក្មួយៗជាសិស្សានុសិស្សត្រូវចៀសឲ្យឆ្ងាយពីគ្រឿងញៀន ដែលជាឃាតករលាក់មុខយ៉ាងសាហាវ ដែលធ្វេីឲ្យអ្នកដែលបានប្រេីប្រាស់ ក្លាយជាមនុស្សមួយផ្សេងៗទៀត ធ្វេីឲ្យបាត់បងសតិអារម្មណ៍ ហានធ្វេីអ្វីទាំងអស់ មួយវិញទៀត វាធ្វេីឲ្យប៉ះពាល់ដល់កត្តិយសក្រុមគ្រួសារ និងសង្គមជាតិទាំងមូលថែមទៀតផង។ មួយវិញទៀត ដោយបច្ចុប្បន្ននេះពិភពលោកកំពុងជួបវិបត្តិ ជម្ងឺរាតត្បាតសកល កូវីដ -១៩ ឯកឧត្ដម បានណែនាំបន្ថែមដល់សិស្សានុសិស្ស ត្រូវមានការធ្វេីអនាម័យឲ្យបានជាប្រចាំមុនពេល ឬក្រោយពេលប៉ះពាល់សត្វ ឬរបស់របរអ្វីមួយ ត្រូវលាងសម្អាតដៃជាមួយសាប៊ូ អាល់កុល ឬជែល សម្លាប់មេរោគជា ត្រូវពាក់ម៉ាស់ នឹងត្រូវមានគម្លាតពីយ៉ាងតិច១ម៉ែត្រកន្លះ ការារពីការចម្លងជម្ងឺកូវីដ-១៩៕ ដោយ៖ឃិន គន្ធា
