ភ្នំពេញ ៖ បុរសម្នាក់ជាជនជាតិចិន បានរួមដំណើរនឹងស្ត្រីចាស់ក្មេង៤នាក់ទៀត មកបើករថយន្តស៊េរីទំនើបម៉ាកផចមួយគ្រឿង ជ្រុលទៅបុករថយន្តហាយលេនឌ័រត្រង់ចំណុចផ្លូវបែកជាបួនពេញទំហឹងបណ្ដាលឲ្យរងការខូចខាតយ៉ាងដំណំ ។
ក្នុងហេតុការគ្រោះថ្នាក់ចរាចរណ៍នេះកើតឡើងកាលពីវេលាម៉ោង១០ និង៤០នាទីយប់ថ្ងៃទី ០៣ ខែកុម្ភៈឆ្នាំ២០២១ នៅចំណុចគល់ស្ពាននាគវត្តភ្នំ តាមបណ្ដោយផ្លូវព្រះនរោត្តម កែងផ្លូវ ១០៦ ក្នុងសង្កាត់វត្តភ្នំ ខណ្ឌដូនពេញ រាជធានីភ្នំពេញ។
យោងតាមប្រភពព័ត៌មានពីកន្លែងកើតហេតុបានឲ្យដឹងថា មុនកើតហេតុគេឃើញបុរសជនជាតិចិនម្នាក់រួមដំណើរនឹងស្ត្រីក្មេងចាស់ចំនួន៤ នាក់ទៀត បើករថយន្តស៊េរីទំនើបម៉ាក ផច មួយគ្រឿងពណ៌ទឹកប្រាក់ពាក់ស្លាកលេខភ្នំពេញ2BA-7779ធ្វើដំណើរតាមបណ្ដោយផ្លូវព្រះនរោត្ដមទិសដៅពីជើងទៅត្បូង លុះមកដល់ចំណុចផ្លូវបែកជាបួនបានជ្រុលចង្កូតទៅបុករថយន្តហាយលេនឌ័រមួយគ្រឿង ពណ៌ទឹកប្រាក់ពាក់ស្លាកលេខភ្នំពេញ2BD-6285បើកបរដោយស្ត្រីម្នាក់រួមដំណើរនឹងស្ត្រី ៤ នាក់ទៀតធ្វើដំណើរតាមបណ្តោយផ្លូវ១០៦ ទិសដៅពីកើតទៅលិចចំកង់ក្រោខាងក្រោយខាងស្តាំពេញទំហឹងបណ្តាលវៀចនឹងរងការខូចខាតផ្នែកខាងមុខបន្តិចបន្តួច។ចំណែករថយន្តម៉ាកផចខូចខាតផ្នែកខាងមុខយ៉ាងដំណំ។
ក្រោយកើតហេតុសមត្ថកិច្ចមូលដ្ឋាននិងជំនាញបានចុះមកដល់ឲ្យភាគីទាំងសងខាងធ្វើការសម្របសម្រួលគ្នាអស់រយៈពេលជិតមួយម៉ោង ទើបខាងភាគីជនជាតិចិនបានចេញសំណងចំនួន ២៥០០ដុល្លារទៅឲ្យភាភាគីរថយន្ត ហាយលេនឌ័រជនជាតិខ្មែរដើម្បីបញ្ចប់រឿងនៅនឹងកន្លែងកើតហេតុហេតុ ៕
