ខេត្តបន្ទាយមានជ័យ៖ ប្រជាពលរដ្ឋប្រទះឃើញអាវុធAKចំនួន៣ដើមនិងបង់គ្រាប់មួយចំនួន ដែលគេច្រកក្នុងការុងយកទៅប្លុងចោលនៅក្នុងដីចំការមួយក្បែរភូមិអ្នកស្រុកទំនងជាអាវុធទាំងនោះ ត្រូវបានជនខិលខូចរើសយកមកច្រកក្នុងការុង ក្នុងគោលបំណងយកទៅប្រើប្រាស់ធ្វើសកម្មភាពផ្សេងៗដែលពាក់ពន្ធ័ទៅនិងបទល្មើសហើយត្រូវបែបការណ៏ ក៏យកការុងដែលមានកាំភ្លើងនោះ ទំលាក់ចោលនៅក្នុងដីចំការរបស់ពលរដ្ឋតែម្តង។ ហេតុកាដូចខាងលើនោះ គឺកើតមាននៅក្នុងថ្ងៃទី៣១ ខែកក្កដា ឆ្នាំ២០១៤ ត្រង់ចំណុចភូមិអន្លង់ថ្ម ឃុំរហាល ស្រុកព្រះនេត្រព្រះ ខេត្តបន្ទាយមានជ័យ ស្របពេលដែលមានប្រជាពលរដ្ឋនៅក្នុងភូមិដូចខាងលើនោះ ធ្វើដំណើរគ្រោងទៅបោះរបងក្នុងដីចំការរបស់ខ្លូនហើយក៏ប្រទះឃើញមានការុងពណ៏ខៀវ
ដែលនៅក្នុងការុងនោះ គឺមានអាវុធAKបត់ចំនួន២ដើម AKស្វាយមួយដើម បង់ចំនួន៧ គ្រាប់ចំនួន១២៣គ្រាប់ ដែលគេដាក់ក្នុងការុងខាងលើនោះ ហើយចងមាត់ការុងជិត រួចយកទៅប្លុងចោលនៅក្នុងដីអ្នកស្រុកចំងាយ១៥០ម៉ែត្រលើផ្លូវលំមួយខាងកើតភូមិខាងលើនោះ ក្រោយពីកាប្រទះឃើញការុងដែលមានកាំភ្លើងនោះ ប្រជាពលរដ្ឋក៏បានរាយកាជូនទៅសមត្ថកិច្ចប៉ូលិស ដើម្បីមកពិនិត្យនិងចាត់កាតាមនិតិវិធីតែម្តង។ 
ប៉ូលិសនៅក្នុងអធិការដ្ឋាននគបាលស្រុកព្រះនេត្រព្រះ បានអោយដឹងថា ពលរដ្ឋដែលប្រទះឃើញការុងកាំភ្លើងនោះមានឈ្មោះ អៀម បូយ ភេទប្រុស អាយុ៧៥ឆ្នាំ រស់នៅក្នុងភូមិខាងលើនោះ ដែលគាត់បានទៅធ្វើរបងក្នុងចំការរបស់គាត់ ហើយក៏ប្រទះឃើញការុងដែលមានកាំភ្លើងទំនងជាជនខិលខូចយកមកទំលាក់ចោលក្បែរដីចំការរបស់គាត់ យ៉ាងដូចឆ្នេះ ប៉ូលិសបានបន្តទៀតថា ក្រោយពេលទៅដល់កន្លែងកើតហេតុភ្លាមសមត្ថកិច្ចក៏បានហែកការុងនោះមើលស្រាប់តែឃើញកាំភ្លើងAKចំនួន៣ដើមតែម្តង ហើយក៏បានយកមករក្សាទុកនៅក្នុងអធិការដ្ឋានដើម្បី
ចាត់កាបញ្ជូនបន្តមកស្នងកានគបាលខេត្តបន្ទាយមានជ័យចាត់កាបន្តតាមនិតិវិធីនាពេលខាងមុខនេះ មន្ត្រីប៉ូលិសដ៏ដែលបានបន្ថែមទៀតថា ជារឿយៗសមត្ថកិច្ចតែងតែចុះធ្វើកាអប់រំប្រជាពលរដ្ឋពាក់ពន្ធ័ទៅនិងភូមិឃុំមានសុវត្ថិភាពជារៀងរាល់ថ្ងៃធ្វើអោយមានកាយល់ដឹងកាន់តែច្រើនទៅលើប្រជាពលរដ្ឋរហូតមានអ្វីប្លែកនៅក្នុងមូលដ្ឋានរបស់ពួកគាត់ ដូចជាករណីប្រទះឃើញកាំភ្លើងជាដើម គឺពួកគាត់មករាយការណ៏អោយសមត្ថកិច្ចចាត់កាទាន់ពេលវេលាតែម្តង៕ដោយពៅរី
