(ប៉ៃលិន)៖ ប្រជាពលរដ្ឋរស់នៅក្នុងក្រុងប៉ៃលិន មានការភ្ញាក់ផ្អើលយ៉ាងខ្លាំង ខណៈក្នុងមង្គលការរបស់បងប្អូនប្រជាពលរដ្ឋមួយកន្លែង ស្រាប់តែមានវត្តមាន របស់លោកជំទាវ បាន ស្រីមុំ អភិបាលនៃគណៈអភិបាលខេត្តប៉ៃលិន បានផ្តល់កត្តិយស ក្នុងពិធីកាត់សក់ បង្កក់សិរី ដល់គូរស្វាមីភរិយាថ្មី ដែលកូនក្រមុំឈ្មោះ លីម ប៉ស៊ីម និងកូនកម្លោះឈ្មោះ បាន ផានិត្យ រស់នៅភូមិអូតាពុកលើ សង្កាត់ប៉ៃលិន ក្រុងប៉ៃលិន ខេត្តប៉ៃលិន ។ក្រៅពីវត្តមានលោកជំទាវអភិបាលខេត្ត ក៍គេឃើញមានវត្តមានអ្នកតំណាងរាស្ត្រ ថ្នាក់ដឹកនាំខេត្ត ជាច្រើនរូបផងដែរ។
វត្តមានរបស់លោកជំទាវ បាន ស្រីមុំ អភិបាលនៃគណៈអភិបាលខេត្តប៉ៃលិន នាពេលនេះ គឺបានបង្ហាញពីភាពមិនរើសអើង ចំពោះបងប្អូនប្រជាពលរដ្ឋ ព្រមទាំងបានបង្កើននូវភាពជិតស្និត ជាមួយប្រជាពលរដ្ឋក្នុងខេត្តប៉ៃលិនផងដែរ។ជាមួយគ្នានេះ បើយោងតាមផេកហ្វេសបុករបស់ឈ្មោះ Ban Phanith បានធ្វើការគោរពថ្លែងអំណគុណ យ៉ាងជ្រាលជ្រៅបំផុត ចំពោះលោកជំទាវអភិបាល នៃគណៈអភិបាលខេត្តប៉ៃលិន និងឯកឧត្តម ពូ មីង ម៉ា កុង បងប្អូនក្រុមការងារ ដែលបានផ្តល់កិត្តិយសដ៏ឧត្តុងឧត្តម អញ្ជើញជាកិត្តិយសក្នុងពិធីកាត់សក់ នេះផងដែរ ហើយក៍គោរពជូនពរលោកជំទាវ ឯកឧត្តម ពូមីង កុង ម៉ា បងប្អូនទាំងអស់មានសុខភាពល្អ កម្លាំងមាំមួន អាយុយឺនយូរ ប្រកបកិច្ចការ រកស៊ីទទួលទានមានបានគ្រប់ក្រុមគ្រួសារ។សុវណ្ណារិទ្ធ
