ភ្នំពេញ៖ ជនជាតិចិន២នាក់ត្រូវបានកម្លាំងនគរបាលខណ្ឌសែនសុខ ឃាត់ខ្លួនក្នុងករណីហិង្សាដោយចេតនាបង្ករបួសស្នាម និងម្នាក់ទៀតឃាត់ខ្លួនពាក់ព័ន្ធនិងករណីជួញដូរសារធាតុញៀន និងកាន់កាប់អាវុធខុសច្បាប់ ។ហេតុការណ៍កេីតឡេីងកាលពីវេលា ម៉ោងប្រហែល ១៨និង៥០នាទី ល្ងាចថ្ងៃទី០៦ខែកុម្ភះ ឆ្នាំ២០២១ នៅចំណុចមុខផ្ទះលេខ១៨ ផ្លូវបេតុង ភូមិទំនប់ សង្កាត់ភ្នំពេញថ្មី ខណ្ឌសែនសុខ ។លោកវរសេនីយ៍ឯក ហ៊ួរ ម៉េងវ៉ាង អធិការខណ្ឌសែនសុខ បានឲដឹងថាករណីនេះត្រូវឃាត់ខ្លួនទាំងសងខាង ៣នាក់ដោយក្នុងនោះ ភាគីទី១ ជាជនរងគ្រោះ ឈ្មោះ ឈីង លូ ភេទប្រុស អាយុ៣៤ឆ្នាំ ជនជាតិចិន មុខរបរជាង ជួសជុលម៉ាស៊ីនត្រជាក់ ស្នាក់នៅក្នុងក្រុមហ៊ុន ខណ្ឌទួលគោក គ្មានលិខិតឆ្លងដែន មានសារធាតុញៀន (ត្រូវឃាត់ខ្លួនក្នុងករណីជួញដូរគ្រឿងញៀននិងកាន់កាប់អាវុធខុសច្បាប់ ត្រូវបានអធិការដ្ឋាននគរបាលខណ្ឌបឹងកេងកងបង្ក្រាបបានកាលពីថ្ងៃទី០៧ខែកម្ភះឆ្នាំ២០២១។ភាគីទី២មានគ្នា០២នាក់ ៖១-ឈ្មោះ ZHU LI ភេទប្រុស អាយុ៣៤ឆ្នាំ ជនជាតិចិន មុខរបររកស៊ី ស្នាក់នៅក្នុងផ្ទះសំណាក់អូរឬស្សី ខណ្ឌ៧មករា (គ្មានលិខិត ឆ្លងដែន) ។ទី២-ឈ្មោះ WANG LA ភេទប្រុស មុខរបររកស៊ី អាយុ៣៤ឆ្នាំ ជនជាតិចិន មុខរបររកស៊ី ស្នាក់នៅ ក្នុងផ្ទះសំណាក់ អូរឬស្សី ខណ្ឌ៧មករា (គ្មានលិខិតឆ្លងដែន) ។ឃាត់ខ្លួនកាលពីវេលាម៉ោង១៧និង០០នាទីល្ងាចថ្ងៃទី០៧ខែកុម្ភះឆ្នាំ២០២១នៅក្នុងសង្កាត់បឹងព្រលិតខណ្ឌ៧មករា។បន្សល់ទុករថយន្តម៉ាកតូយូតាអាល់ហ្វាត ពណ៌ខ្មៅ ពាក់ស្នាកលេខភ្នំពេញ 2AD-2737 ។លោកអធិការបន្តថាកាលពីថ្ងៃទី០៦ខែកុម្ភះឆ្នាំ២០២១ វេលាម៉ោង១៨ និង៥០នាទីមានជនសង្ស័យ ០៣នាក់ ពាក់ពន្ធ័ក្នុងករណីជាជនជាតិចិនចាប់ជនជាតិចិនដូចគ្នាដាក់ក្នុងរថយន្តនៅចំណុចមុខផ្ទះលេខ១៨ ផ្លូវបេតុង ភូមិទំនប់ សង្កាត់ភ្នំពេញថ្មី ខណ្ឌសែនសុខ ក្រោយកើតហេតុកម្លាំងអធិការខណ្ឌសែនសុខបើកការស្រាវជ្រាវទើបឈានបង្ក្រាបបានជនសង្ស័យខាងលើតែម្តង ។បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី ៕
