កំពង់ធំ ៖ បច្ចុប្បន្នរាជរដ្ឋាភិបាល កំពុងតែត្រូវបាន យកចិត្តទុកដាក់ មកលើមន្ត្រីរាជការ និងស្ថាប័នរដ្ឋ ក្នុងការបំរើសេវាកម្ម សាធារណៈជូនប្រជាពលរដ្ឋ ដោយបាន ជម្រុញឲ្យមានការ បង្កើតនូវការិយាល័យ ច្រក ចេញចូលតែមួយ សម្រាប់ងាយស្រួល ឆាប់រហ័ស ចំណាយពេលតិច និងសន្សំសច្ចៃ របស់បងប្អូនប្រជាពល រដ្ឋ ក្នុងការទទួលបើប្រាស់សេវាកម្ម សាធារណៈជាមួយនឹងរដ្ឋ ។
ទើបថ្ងៃនេះ នៅក្នុងសាលប្រជុំ សាលាក្រុងស្ទឹងសែន ខេត្តកំពង់ធំ បានបើកវេទិការ ជួបជុំមន្ត្រីដែលមកពី ខេត្តក្រុងចំនួន ៥ ខេត្ត ក្នុងនោះមាន ក្រុងកំពង់ចាម , ក្រុងព្រៃវែង , ក្រុងស្វាយរៀង , ក្រុងសេរីសោភ័ណ និងក្រុងស្ទឹងសែន ដើម្បីចែករំលែក នូវបទពិសោធន៍ គ្នាទៅវិញទៅមក និងយកទៅអនុវត្តក្នុងការងារ បំរើសេវាកម្ម ច្រកចេញចូលតែមួយ របស់មូលដ្ឋាន ដែលមានការ ចូលរួម ពីសំណាក់ លោក ហុក រិន អភិបាល ក្រុងស្ទឹងសែន ព្រមទាំងមន្ត្រីជាមកពីបណ្តាខេត្តជាច្រើនរូប នៅព្រឹកថ្ងៃទី ២១ ខែ កុម្ភះ ឆ្នាំ ២០១៤ នៅក្នុង ពិធី ត្រូវបានបើក ឳកាសនៃពិធី ឲ្យមានការ សួរ និងឆ្លើយសំណួរ នូវចំនុចខ្វះខាត ។
បន្ទាប់ពីលោក ហុក រិន អភិបាលក្រុងស្ទឹងសែន បានអាននូវរបាយការណ៍ មួយចំនួនដែលមានការ ពាក់ព័ន្ឋ ទៅនឹង បទពិសោធន៍ ច្រកចេញចូលតែមួយ នៅក្នុងខេត្តកំពង់ធំ ដែលទទួលបានជោគជ័យ ក្នុងការបំរើសេវាកម្មជូនបងប្អូន ប្រជាពលរដ្ឋ ក្នុងខេត្តកំពង់ធំ រួចមក ប្រតិភូ ដែលបានអញ្ជើញមក ពីតាមបណ្តា ខេត្ត ក្រុង បានចូលទៅទស្សនា ការិយាល័យ ច្រកចេញចូលតែមួយ របស់ខេត្តកំពង់ធំ ដើម្បីសិក្សានូវការ ដាក់ ផ្លាកសញ្ញាសេវាកម្ម និងរបៀបរបប ក្នុងការរៀបចំ ទទួលប្រជាពលរដ្ឋ ។ ដោយ ប៊ុន រដ្ឋា 
