ភ្នំពេញ ៖ ជនបទេសមួយក្រុមបាននាំគ្នាអង្គុយប្រើប្រាស់សារធាតុញៀនកញ្ឆានៅមុខខ្លឹបស្វីសមួយ ដែលមានទីតាំងនៅក្នុងផ្សារទំនើបសូរិយាម៉ល ហេតុការណ៍នេះកើតឡើងកាលពីវេលាម៉ោង១១ យប់ ថ្ងៃទី ០១ សីហា ២០១៤ នៅចំណុចមុខខ្លើបស្វីស ក្នុងផ្សារសូរិយាម៉ល ស្ថិតនៅក្នុង
សង្កាត់ផ្សារថ្មី៣ ខណ្ឌភ្នំពេញ។
តាមប្រភពព័ត៌មានពីកន្លែងកើតហេតុបានឲ្យដឹងថាមុខពេលកើតហេតុគេបានឃើញបុរសបរទេសម្នាក់ជាជនជាតិបារាំងរួមជាមួយមិត្តភ័ក្ត្ររបស់គេបានអង្គុយជួកបារីនៅចំណុចកើតហេតុខាងលើពេលនោះរូបគាត់ក៏បានកញ្ចាចេញពីហោប៉ៅមកមូលជួក ខណៈពេលនោះសន្តិសុខរបស់ផ្សារសូរិយ៉ាម៉លម្នាក់កំពុងដើរល្បាតស្រាប់តែប្រទះឃើញបុរសនោះកំពុងប្រើប្រាស់សារធាតុញៀនកញ្ឆាក៏បានចូលទៅដកហូតនិងធ្វើការអប់រំដល់បុរសជនជាតិបរទេសម្នាក់នោះ តែត្រូវបុរសនោះស្រែកឡូឡានិងវាយទៅលើសន្តិសុខមបណ្ដាលឲ្យមានភាពផ្ញែកផ្អើលដល់ភ្ញៀវជនជាតិខ្មែរ បរទេស និងក្រុមសន្តិសុខរបស់ផ្សារដទៃទៀតមកធ្វើការចាប់បុរសជនជាតិនោះទៅការិយាល័យសន្ដិសុខផ្សារសូរិយាម៉លធ្វើការអប់រំដល់ ។ប្រហែលជា១០នាទីក្រោយមកក៏មានបុរសម្នាក់ជាជនជាតិបរទេសម្នាក់ទៀតមកធ្វើការសូមទោលដល់ក្រុមសន្តិសុខនិងសុំនាំខ្លួនបុរសនោះត្រលប់ទៅផ្ទះវិញ។ ហើយចំពោះប្រជាពលរដ្ឋដែលរស់នៅក្បែរកន្លែងកើតហេតុបានឲ្យដឹងថា គេតែងតែប្រទះឃើញជនជាតិបរទេសដ៏ទៃទៀតដែលមកលេង និង ប្រើប្រាស់នៅសារជាតិញៀនផ្សេងៗទៀតនៅម្ដុំនោះជាញឹកញ៉ាក់។
ក្រោយពេលកើតហេតុសន្តិសុខរបស់ផ្សារសូរិយាម៉លបានធ្វើកាអប់រំដល់ និងដកហូតសារធាតុញៀនកញ្ឆាពីបុរសជនជាតិបារាំងនោះរួចក៏ដោះលែងបុរសនោះត្រលប់ទៅផ្ទះរបស់គេវិញ ។
គួរបញ្ចាក់ថាហេតុការខាងលើនេះមិនមានវត្តមានសមត្ថកិច្ចសង្កាត់ផ្សារថ្មី៣ ចុះមកអន្តរគម៏ឡើយ៕
