ភ្នំពេញ ៖ កម្លាំងនគរបាលប៉ុស្ដិ៍រដ្ឋបាលទួលសង្កែ១ នៃអធិការដ្ឋាននគរបាលខណ្ឌឬស្សីកែវ បានឃាត់ខ្លួនជនសង្ស័យម្នាក់ ពីបទជួញដូរដោយខុសច្បាប់នូវសារធាតុញៀន នៅវេលាម៉ោង១៤ និង៣០នាទី ថ្ងៃទី២០ ខែកុម្ភៈ ឆ្នាំ២០២១ ត្រង់ចំណុចក្រុមទី១៤ផ្លូវលំភូមិផ្សារតូច សង្កាត់ទួលសង្កែ១ ខណ្ឌប្ញស្សីកែវ រាជធានីភ្នំពេញ ។
ជនសង្ស័យខាងលេីមាន ឈ្មោះ ទន់ សំណាង ភេទប្រុស អាយុ១៤ឆ្នាំជនជាតិវៀតណាម មានទីលំនៅផ្ទះគា្មនលេខសំណង់មិនរៀបរយ ក្រុម១៤ភូមិផ្សារតូចសង្កាត់ទួលសង្កែ១ ខណ្ឌប្ញស្សីកែវ រាជធានីភ្នំពេញ មុខរបរមិនពិតប្រាកដ ( ជួញដូរ ) ។
*សំភារៈដកហូតមាន ៖ ក្រាមសថា្លចំនួន៣០កញ្ចប់ថង់តូច ។បច្ចុប្បន្ននេះ ជនសង្ស័យរូបនេះត្រូវបានកម្លាំងជំនាញខណ្ឌឬស្សីកែវកសាងសំណុំរឿងបញ្ជូនទៅសាលាដំបូងរាជធានីភ្នំពេញ ដើម្បីអនុវត្តន៍តាមនីតិវិធី ៕
